செம... தனிநபர் உரையாடல்களைத் தனித்தனியாகப் பிரித்துக் காட்ட வாட்ஸ் அப் செயலியில் புதிய தொழில்நுட்பம்!

உலகம் முழுவதும்  300கோடிக்கும் அதிகமான மக்களின் தகவல் பரிமாற்ற செயலி வாட்ஸ் அப்.  தங்களது வாடிக்கையாளர்களுக்குப் புதிய வசதி ஒன்றை வழங்கியுள்ளது. செயலியில் தினசரி வரும் நூற்றுக்கணக்கான செய்திகளால் பயனர்கள் தங்களுக்குத் தேவையான முக்கிய உரையாடல்களைத் தேடிக் கண்டுபிடிப்பதில் சில நடைமுறைச் சிரமங்கள் இருந்து வந்தன. இந்தச் சிக்கலுக்கு முற்றுப்புள்ளி வைக்கும் நோக்கில், உரையாடல்களை மிக எளிதாகத் தனித்தனியாகப் பிரித்து மேலாண்மை செய்யும் புதிய அரிய தொழில்நுட்ப மேம்பாடு  சோதிக்கப்பட்டு வருகிறது.

செயலியில் உள்ள செயற்கை நுண்ணறிவு (மெட்டா ஏஐ) தொழில்நுட்பத்தின் உதவியோடு இந்த புதிய வசதி மிக நேர்த்தியாக வடிவமைக்கப்பட்டுள்ளது. இதன்படி பயனர்கள் தங்களது ஒவ்வொரு முக்கிய உரையாடலையும் தனித்தனித் தொடர்களாக (த்ரெட்ஸ்) மாற்றி, தகவல்களை எவ்விதக் குழப்பமுமின்றித் துல்லியமாகப் பிரித்து வைத்துக் கொள்ளலாம். ஒரு குறிப்பிட்ட உரையாடலில் பகிரப்படும் தகவல்கள் மற்றும் தரவுகள், மற்றொரு உரையாடலுக்குள் தானாகச் சென்று கலக்காதவாறு இதில் மிக வலுவான தொழில்நுட்பக் கட்டுப்பாடுகள் முறைப்படி செய்யப்பட்டுள்ளன.

முதற்கட்டமாக ஆண்ட்ராய்டு இயங்குதளத்தின் குறிப்பிட்ட சில சோதனை பதிப்பு (பீட்டா) பயனர்களுக்கு மட்டுமே இந்த வசதி வழங்கப்பட்டுள்ளது. இதில் உள்ள பாதுகாப்பு அம்சங்கள் மற்றும் பயனர்களின் கருத்துக்கள் முழுமையாக ஆய்வு செய்யப்பட்ட பின்னர், உலகின் அனைத்துப் பயனர்களின் பயன்பாட்டிற்கும் இந்த வசதி முறைப்படி கொண்டு வரப்படும் எனத் தெரிகிறது. தங்களது முக்கியத் தரவுகளைப் பாதுகாப்பாகவும் எளிதாகவும் வகைப்படுத்தப் புலனம் செயலி கொண்டு வந்துள்ள இந்த புதிய மேம்பாடு தொழில்நுட்பப் பிரியர்கள் மத்தியில் மிகப்பெரிய வரவேற்பைப் பெற்றுள்ளது.