காவல்நிலையத்தில் வைத்தே பெண் காவலர் பாலியல் வன்கொடுமை... விடியோ திமுவை விரட்டியடிப்போம்” - வானதி சீனிவாசன்
கோவையில் பெண் காவலர் ஒருவர் பாலியல் துன்புறுத்தலுக்கு ஆளான சம்பவம் தமிழக காவல் துறையினரிடையே அதிர்ச்சியை ஏற்படுத்தியுள்ள நிலையில், இந்த விவகாரத்தில் தமிழக அரசைக் கடுமையாகச் சாடியுள்ளார் பாஜக எம்.எல்.ஏ வானதி சீனிவாசன்.
கோவை மாநகர காவல் துறையில் பணியாற்றி வரும் பெண் காவலர் ஒருவர், சக காவலர் அல்லது உயரதிகாரி ஒருவரால் (விசாரணை நிலுவையில் உள்ளது) பாலியல் ரீதியாகத் துன்புறுத்தப்பட்டதாகப் புகார் எழுந்துள்ளது. காவல் நிலையத்திலேயே இந்தப் பாதுகாப்பற்ற சூழல் நிலவுவது பெரும் விவாதத்தைக் கிளப்பியுள்ளது.
கோவையில் மதுக்கரை சிறப்புக் காவல் கமாண்டண்ட் அதிகாரி ஒருவர் பெண் காவலரை காவல் நிலைய அலுவலத்தில் வைத்தே பாலியல் வன்கொடுமை செய்ததாக வெளிவந்துள்ள செய்தி திமுக ஆட்சியில் சட்டம் ஒழுங்கின் லட்சணத்தைப் பட்டவர்த்தனமாக்குகிறது.
— Vanathi Srinivasan (@VanathiBJP) March 15, 2026
காவலராகப் பணிபுரியும் பெண்ணின் பாதுகாப்பைக் காவல்…
இந்தச் சம்பவம் குறித்து கோவை தெற்கு தொகுதி எம்.எல்.ஏ வானதி சீனிவாசன் வெளியிட்டுள்ள அறிக்கையில், "மக்களைப் பாதுகாக்க வேண்டிய காவல் துறையிலேயே, ஒரு பெண் காவலருக்கு இந்தப் பாதுகாப்பு இல்லாத நிலை ஏற்பட்டிருப்பது மிகவும் வேதனையானது. சட்டம் ஒழுங்கு எந்த அளவிற்குச் சீர்குலைந்துள்ளது என்பதற்கு இதுவே சாட்சி."
"தமிழகத்தில் சாதாரணப் பெண்களுக்கே பாதுகாப்பு இல்லை என்று நாங்கள் தொடர்ந்து கூறி வருகிறோம். இப்போது சீருடை அணிந்த ஒரு பெண் காவலருக்கே இந்த நிலை என்றால், சாதாரணப் பெண்களின் கதி என்ன? இந்த வழக்கை மூடி மறைக்காமல், சம்பந்தப்பட்ட நபர்கள் யாராக இருந்தாலும் அவர்கள் மீது பாரபட்சமின்றி கடும் நடவடிக்கை எடுக்க வேண்டும். பாதிக்கப்பட்ட அந்தப் பெண் காவலருக்கு நீதி கிடைக்க வேண்டும்" என அவர் வலியுறுத்தியுள்ளார்.
ஏற்கனவே கோவையில் கல்லூரி மாணவி ஒருவர் பாலியல் வன்கொடுமைக்கு உள்ளாக்கப்பட்ட சம்பவத்தின் தாக்கம் குறையும் முன்பே, இப்போது பெண் காவலர் ஒருவருக்கே நேர்ந்துள்ள இந்தத் துயரம் அரசியல் வட்டாரத்தில் சலசலப்பை ஏற்படுத்தியுள்ளது. அதிமுக மற்றும் பாஜக உள்ளிட்ட எதிர்க்கட்சிகள் இந்த விவகாரத்தைக் கையில் எடுத்துப் போராடத் தயாராகி வருகின்றன.
கோவை மாநகரக் காவல் ஆணையர் இது குறித்துத் தீவிர விசாரணைக்கு உத்தரவிட்டுள்ளார். முதற்கட்ட விசாரணையின் அடிப்படையில் துறை ரீதியான நடவடிக்கை எடுக்கப்படும் என எதிர்பார்க்கப்படுகிறது.