பெண்ணை கொன்று தண்ணீர் தொட்டியில் வீசிய கொடூரம்.. அதிர வைக்கும் பின்னணி!
சேலம் பெரமனூர் மாரியம்மன் கோயில் தெருவை சேர்ந்தவர் முருகேசன் (45). இவர் 4 ரோடு பகுதியில் உள்ள ஜவுளிக்கடையில் வேலை பார்த்து வருகிறார். இவர், கெஜ்ஜல்நாயக்கன்பட்டியை சேர்ந்த சுகுணவள்ளி (40) என்பவரை கடந்த 13 ஆண்டுகளுக்கு முன்பு காதலித்து திருமணம் செய்து கொண்டார். அவர்களுக்கு குழந்தைகள் இல்லை. நேற்று முன்தினம் முருகேசனுக்கு பிறந்தநாள். மனைவியிடம் வாழ்த்து பெற்றுக் கொண்டு காலை 10 மணியளவில் ஜவுளிக்கடைக்கு வேலைக்குச் சென்றார்.
அங்கு அவரது நண்பர்களுக்கு கேக் கொடுத்துக் கொண்டிருந்தபோது, பக்கத்து வீட்டைச் சேர்ந்த பெண் ஒருவர் முருகேசனுக்கு தகவல் தெரிவித்தார். சுகுணவல்லியை பார்க்கச் சென்றபோது, வீட்டில் வளையல்கள் உடைந்திருப்பதாகவும், ரத்தக்கறை இருந்ததாகவும், ஆனால் சுகுணவல்லியைக் காணவில்லை என்றும் கூறினார். இதனால் அதிர்ச்சியடைந்த அவர் அலறியடித்துக்கொண்டு வீட்டுக்கு ஓடினார். பள்ளப்பட்டி போலீசாருக்கும் தகவல் தெரிவிக்கப்பட்டது. போலீசார் விரைந்து வந்து வீட்டின் கீழ் தண்ணீர் தொட்டியை பார்த்தபோது சுகுணவள்ளி ரத்த வெள்ளத்தில் பிணமாக கிடந்தார். அவரது தலையில் வெட்டுக்காயம் இருந்தது.
போலீசார் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இதில் இறந்த சுகுணவள்ளிக்கும் சிலருக்கும் இடையே தவறான தொடர்பு இருப்பது தெரியவந்தது. அவரது செல்போன் எண்ணை விசாரித்த போலீசார் அதிர்ச்சி அடைந்தனர். இதுகுறித்து, புதிய பேருந்து நிலையத்தில் ஆட்டோ ஓட்டி வந்த கெஜ்ஜல்நாயக்கன்பட்டியைச் சேர்ந்த ஒருவர், அவரது நண்பர், தனியார் பள்ளி பேருந்து ஓட்டுநர் ஆகிய 3 பேரை கைது செய்து விசாரணை நடத்தி வருகின்றனர். சுகுணவல்லியை அவ்வப்போது ரகசியமாக சென்று பார்த்து வந்தனர். போலீசார் நடத்திய விசாரணையில், சுகுணவல்லியுடன் தகாத உறவில் ஈடுபட்டதாக தகவல் கிடைத்தது.
இதையடுத்து அங்கிருந்த சிசிடிவி கேமராவை ஆய்வு செய்தனர். அதில், ஹெல்மெட் அணிந்து ஒருவர் ஓடுவது போன்ற காட்சி இருந்தது. அவர் ஓட்டி வந்த காரை ஏதாவது ஒரு பகுதியில் நிறுத்திவிட்டு ஹெல்மெட் அணிந்து வந்திருக்கலாம் என முடிவு செய்தனர். இதையடுத்து போலீசார் தொடர் கேமராவை ஆய்வு செய்தனர். போலீசார் நினைத்தபடியே இருசக்கர வாகனத்தில் ஒருவர் ஏறினார். தீவிர விசாரணைக்கு பின் நேற்று மாலை அவரை போலீசார் கைது செய்தனர். அவரிடம் நடத்திய விசாரணையில், அவரது மனைவியும் சுகுணவல்லியும் நண்பர்கள். இப்போது என் மனைவி பிரிந்துவிட்டார். இதற்கு சுகுணவல்லி தான் காரணம். இந்த கோபத்தில் தான் அவரை கொலை செய்தேன் என்றார். தொடர்ந்து அவரிடம் காவல்துறையினர் விசாரணை நடத்தி வருகின்றனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!