இங்கிலாந்தில் இன்று பிரம்மாண்ட தொடக்கம்... ஐசிசி மகளிர் டி20 உலகக்கோப்பை கால்பந்து தொடக்க ஆட்டத்தில் இங்கிலாந்து - இலங்கை மோதல்!

உலகெங்கிலும் உள்ள கிரிக்கெட் ரசிகர்களின் பெரும் எதிர்பார்ப்புக்கு மத்தியில், 10-வது ஐசிசி மகளிர் டி20 உலகக்கோப்பை கிரிக்கெட் திருவிழா இங்கிலாந்தில் இன்று (ஜூன் 12) மிக பிரம்மாண்டமாகத் தொடங்குகிறது. ஜூன் 12 முதல் ஜூலை 5-ம் தேதி வரை இங்கிலாந்தின் பல்வேறு நகரங்களில் நடைபெறவுள்ள இந்த வரலாற்றுச் சிறப்புமிக்க தொடரில், முதன்முறையாக 12 முன்னணி நாடாளுமன்ற அணிகள் பங்கேற்றுப் பட்டத்தைக் கைப்பற்ற   பலப்பரீட்சை நடத்தவுள்ளன.

இந்த முறை பங்கேற்கும் 12 அணிகளும் தலா 6 அணிகள் வீதம் இரண்டு பிரிவுகளாகப் பிரிக்கப்பட்டுள்ளன. இதில் குரூப் 1 பிரிவில் பலம் வாய்ந்த இந்தியா, பாகிஸ்தான், ஆஸ்திரேலியா, தென்னாப்பிரிக்கா, வங்கதேசம் மற்றும் நெதர்லாந்து ஆகிய அணிகள் இடம் பெற்றுள்ளன. குரூப் 2 பிரிவில் இங்கிலாந்து, இலங்கை, நியூசிலாந்து, வெஸ்ட் இண்டீஸ், அயர்லாந்து மற்றும் ஸ்காட்லாந்து ஆகிய அணிகள் மோதுகின்றன. லீக் சுற்றுகளின் முடிவில் ஒவ்வொரு பிரிவிலும் முதல் இரண்டு இடங்களைப் பிடிக்கும் அணிகள் அரையிறுதிக்குத் தகுதி பெறும்.

இன்று பர்மிங்காமில் உள்ள புகழ்பெற்ற எட்ஜ்பாஸ்டன் மைதானத்தில் நடைபெறும் விறுவிறுப்பான தொடக்க ஆட்டத்தில், போட்டியை நடத்தும் இங்கிலாந்து அணியும், ஆசியாவின் பலம் வாய்ந்த இலங்கை அணியும் நேருக்கு நேர் மோதுகின்றன. இந்திய ரசிகர்கள் ஆவலோடு எதிர்பார்க்கும் பரம எதிரிகளான இந்தியா - பாகிஸ்தான் அணிகளுக்கு இடையேயான  மோதல் வரும் ஞாயிற்றுக்கிழமை (ஜூன் 14) இதே மைதானத்தில் அரங்கேற உள்ளது. மகளிர் கிரிக்கெட் வரலாற்றிலேயே மிக பிரம்மாண்டமாக 24 நாட்களில் மொத்தம் 33 போட்டிகள் நடத்த திட்டமிடப்பட்டுள்ளதால், இன்றைய தொடக்கம் உலக கிரிக்கெட் வட்டாரத்தில் பெரும் கொண்டாட்டத்தை ஏற்படுத்தியுள்ளது.