மகளிர் தினத்தில் ரூ.2,500 உயரும் மகளிர் உரிமைத் தொகை - எகிறும் எதிர்பார்ப்பு!

தமிழ்நாட்டில் குடும்பத் தலைவிகளுக்கு வழங்கப்பட்டு வரும் கலைஞர் மகளிர் உரிமைத் தொகையானது, வரவிருக்கும் சர்வதேச மகளிர் தினத்தை முன்னிட்டு மாதம் 2,500 ரூபாயாக உயர்த்தி அறிவிக்கப்படலாம் என்று அரசியல் மற்றும் பொதுமக்கள் வட்டாரத்தில் பரவலாகப் பேசப்பட்டு வருகிறது.

தமிழ்நாடு அரசு சார்பில் தற்போது தகுதியுள்ள குடும்பத் தலைவிகளுக்கு மாதம் 1,000 ரூபாய் உரிமைத் தொகையாக வழங்கப்பட்டு வருகிறது. இந்நிலையில், இத்தொகையை மேலும் உயர்த்த வேண்டும் என்ற கோரிக்கைகள் நிலவி வரும் சூழலில், மார்ச் 8-ஆம் தேதி கொண்டாடப்படும் மகளிர் தினத்தை முன்னிட்டு இதற்கான புதிய அறிவிப்பு வெளியாக வாய்ப்புள்ளதாகக் கூறப்படுகிறது.

தமிழ்நாட்டில் காலியாக உள்ள 5 சட்டமன்றத் தொகுதிகளுக்கான இடைத்தேர்தல் விரைவில் நடைபெறவுள்ளது. இந்தத் தேர்தலை எதிர்கொள்ளும் ஒரு முக்கிய அரசியல் வியூகமாகவே உரிமைத் தொகையை ரூ.2,500 ஆக உயர்த்தும் நடவடிக்கை பார்க்கப்படுகிறது. 

முன்னதாக, 2 சட்டமன்றத் தொகுதிகளுக்கான இடைத்தேர்தல் நடைமுறைகள் முழுமையாக நிறைவடைந்த பிறகு, மகளிர் உரிமைத் தொகை உயர்வு குறித்த அதிகாரப்பூர்வ அறிவிப்பு அரசு தரப்பில் வெளியாகும் என்று தவெக சட்டமன்ற உறுப்பினர் சத்யபாமா தெரிவித்திருந்தார். இதனால், வரவிருக்கும் பண்டிகை மற்றும் மகளிர் தினத்தை ஒட்டி இந்த அறிவிப்பு வெளியாகுமா என்ற எதிர்பார்ப்பு பொதுமக்கள் மத்தியில் மேலும் அதிகரித்துள்ளது.