உலகப் புகழ்பெற்ற பாடகி டெய்லர் ஸ்விஃப்ட் கால்பந்து வீரர் டிராவிஸ் கெல்ஸைக் கரம்பிடித்தார்!

உலகளாவிய இசைத் துறையின் உச்ச நட்சத்திரமும், கோடிக்கணக்கான ரசிகர்களின் இதயத்தைக் கவர்ந்தவருமான அமெரிக்கப் பாடகி டெய்லர் ஸ்விஃப்ட், தனது நீண்ட நாள் காதலரான அமெரிக்க என்.எஃப்.எல் கால்பந்து வீரர் டிராவிஸ் கெல்ஸை நியூயார்க்கில் வைத்து விமரிசையாகத் திருமணம் செய்து கொண்டார்.

நியூயார்க்கின் உலகப் புகழ்பெற்ற பிரம்மாண்ட அரங்கான 'மேடிசன் ஸ்கொயர் கார்டனில்' இவர்களது திருமணம் மிக ரகசியமாக நடைபெற்றது. இந்தத் திருமண விழாவில் இரு குடும்பத்தினர் மற்றும் மிக நெருங்கிய நண்பர்கள் மட்டுமே கலந்துகொண்டனர்.

இவர்களது திருமணத்தை அதிகாரப்பூர்வமாக உலகிற்கு உறுதிப்படுத்தும் விதமாக, மேடிசன் ஸ்கொயர் கார்டன் அரங்கிற்கு வெளியே அமைக்கப்பட்டிருந்த மாபெரும் மின்னணுத் திரையில் 'JUST MARRIED' என்ற வாசகம் ஒளிரவிடப்பட்டது. இதைப் பார்த்த நியூயார்க் பொதுமக்கள் மற்றும் ரசிகர்கள் அரங்கின் வெளியே திரண்டு தங்களது மகிழ்ச்சியைக் கொண்டாடினர்.

டெய்லர் ஸ்விஃப்ட் மற்றும் டிராவிஸ் கெல்ஸ் தம்பதியினர் தங்களது அதிகாரப்பூர்வ திருமணப் புகைப்படங்கள் அல்லது விபரங்களைச் சமூக வலைத்தளங்களில் இன்னும் முறைப்படி பகிர்ந்து கொள்ளவில்லை.

உலகப் புகழ்பெற்ற 'கிராமி' விருதுகளை வென்ற இசைப் பேரரசி டெய்லர் ஸ்விஃப்ட்டின் இந்தத் திருமணச் செய்தி வெளியான அடுத்த சில நிமிடங்களிலேயே, அது எக்ஸ் மற்றும் இன்ஸ்டாகிராம் உள்ளிட்ட சமூக வலைத்தளங்களில் உலகளாவிய அளவில் முதன்மை ட்ரெண்டிங்காக மாறியுள்ளது. இசை மற்றும் விளையாட்டுத் துறையைச் சேர்ந்த சர்வதேசப் பிரபலங்கள் பலரும் இந்த நட்சத்திரத் தம்பதியினருக்குத் தங்களது வாழ்த்துகளை அள்ளிக்குவித்து வருகின்றனர்.