வைரல் வீடியோ... மெட்ரோவில் இளம்பெண் குத்தாட்டம்!
மெட்ரோ ரயில் பயணங்கள் சமீபகாலமாக பெரும் சர்ச்சையை ஏற்படுத்தி வருகிறது. அந்த வகையில் மெட்ரோவில் இளம்பெண் ஒருவர் பாலிவுட் பாடலுக்கு நடனமாடுகிறார். இந்த வீடியோ சமீபத்தில் சமூக வலைதளங்களில் வைரலாகி கவனத்தை ஈர்த்துள்ளது. இளம்பெண் சஹேலி ருத்ரா இது குறித்த வீடியோவை தனது இன்ஸ்டாகிராம் பக்கத்தில் பதிவிட்டுள்ளார். இந்த வீடியோ 4 நாட்களில் 8 லட்சத்திற்கும் மேற்பட்ட பார்வையாளர்களை பெற்றுள்ளது.
இந்த வீடியோவால் பலரது பாராட்டுகளை பெற்றிருந்தாலும், சமூக வலைத்தளங்களில் இதற்கான எதிர்மறை விமர்சனங்களும் பதிவிடப்பட்டு வருகின்றன. அதன்படி பொது இடங்களில் நடனமாடுவது பயணிகள் மற்றும் பொதுமக்களுக்கு ஊறு விளைவிப்பதாகத் தான் பொருள் என குற்றம் சாட்டி வருகின்றனர்.
சமூக வலைத்தளங்களில் பிரபலமாகி வரும் இந்த வீடியோ, பொது இடங்களில் சமூக நெறிமுறைகளை மீறுவதற்கு எதிரான விவாதங்களை ஏற்படுத்தியுள்ளது. இளம்பெண்ணின் ஆடல் திறமைக்காக பலர் லைக்ஸ் போட்டிருந்தாலும் பொது மக்களுக்கு தொந்தரவு ஏற்படுத்தும் வகையில் ஆபத்தான முறையில் வீடியோக்களை உருவாக்குவது குறித்து பலரும் அதிருப்தியை பதிவு செய்துள்ளனர்.