அதிர்ச்சியில் முதல்வர் ஸ்டாலின்... “தேர்தலுக்கு முன் எத்தனை பேரை ஜெயில்ல போடுவீங்க...” சாட்டை துரைமுருகனுக்கு கட்டுப்பாடுகளை விதிக்க மறுத்த சுப்ரீம் கோர்ட்!
“யூ-ட்யூப்பில் குற்றச்சாட்டுகளை எழுப்பும் அனைவரையும் கைது செய்தால், தேர்தலுக்கு முன்பாக எத்தனை பேரை சிறையில் அடைப்பீர்கள்?” என்று தமிழக முதல்வர் மு.க.ஸ்டாலின் குறித்து அவதூறாகப் பேசியதாக தமிழக அரசு தொடுத்த வழக்கில் 2021-ம் ஆண்டு கைது செய்யப்பட்ட ‘சாட்டை’ துரை முருகனின் ஜாமீனை ரத்து செய்த சென்னை உயர்நீதிமன்ற தீர்ப்புக்கு உச்ச நீதிமன்றம் பதில் அளித்து, சாட்டை துரைமுருகனுக்கு ஜாமீன் வழங்கி உத்தரவிட்டுள்ளது.
அதே சமயம், “எது அவதூறானது? எது செய்யக்கூடாது? என்பதை தீர்மானிக்கும் அதிகாரம் யார்? புகார் கொடுத்தவரும் திமுக பிரமுகர். ஒரு சித்தாந்தத்தை நம்புபவர் மற்றொரு அரசியல் நம்பிக்கையைப் பற்றி ஒரு கருத்தை வெளிப்படுத்தினால், அவதூறுகளை யார் தீர்மானிப்பது? அவதூறான குறிப்பை அகற்ற சட்டப்பூர்வ வழிகள் உள்ளன. தொழில்நுட்ப வசதிகள் உள்ளன. மாறாக, விமர்சகர்களின் வாயை அடைக்க நீங்கள் எப்படி முடிவு செய்ய முடியும்? என்று தாக்கல் செய்யப்பட்ட மனு தொடர்பாக உச்சநீதிமன்றம் கேள்வி எழுப்பியுள்ளது.
மேலும் சாட்டை துரைமுருகன் இது போன்ற கருத்துக்களை கூறுவதை தடுக்க வேண்டும் என்ற கோரிக்கையையும் நீதிமன்றம் நிராகரித்துள்ளது திமுக தலைவர்களை அதிர்ச்சியடைய செய்துள்ளது. சாட்டை துரைமுருகன் தமிழ் ஈழ ஆதரவு அரசியல் கட்சியான நாம்-தமிழர் கட்சியின் செயல்பாட்டாளர். சமூக ஊடகங்கள் இப்போது ஒரு இடைநிலைக் கட்டத்தை கடந்து செல்கின்றன. ஒவ்வொரு குடிமகனுக்கும் தேச நலனுக்கு முரணான, தேசிய பாதுகாப்பை பாதிக்காத அல்லது மத கலவரம் அல்லது கலவரத்தை உருவாக்கும் நோக்கமில்லாத எந்த கருத்தையும் தெரிவிக்க உரிமை உள்ளது. ஆனால், அரசு ஊழியர் மீது ஒருவர் ஊழல் புகார் தெரிவித்தால், அவர் நீதிமன்றத்தை அணுகலாம். குற்றச்சாட்டை முன்வைக்கும் நபர் தனது குற்றச்சாட்டிற்கு ஆதாரம் அளிக்க வேண்டிய பொறுப்புள்ளது. ஆதாரமற்ற குற்றச்சாட்டுகளை தெரிவித்தவர்கள் மீது நீதிமன்றங்கள் கடும் நடவடிக்கை எடுத்துள்ளன. கருத்து என்பது குற்றச்சாட்டு அல்ல.
கருத்துக்களை நிரூபிக்க முடியாது. அதனால் தான் சாட்டை துரை முருகனுக்கு ஜாமீன் வழங்கப்பட்டுள்ளது. இந்த சைபர் ஸ்பேஸ்கள் சாதாரண குடிமக்களுக்கான இலவச வெளிப்பாடு தளங்கள்.ஒருவர் மற்றவரைப் பற்றிய கருத்தை வெளிப்படுத்தும் சுதந்திரத்துக்கும், பிற்பட்டவரின் ஆளுமை மற்றும் கண்ணியம் பறிக்கப்படாத சுதந்திரத்துக்கும் சமம். எந்த வெளிப்பாடு அவதூறானது என்பதை யார் தீர்மானிப்பது என்று உச்ச நீதிமன்றம் கேட்டுள்ளது திமுக தலைவர்களை அதிர்ச்சியடைய செய்துள்ளது.
சும்மாவே சலங்கை கட்டு ஆடுவாரு... இப்போ தேர்தல் நேரத்துல உச்சநீதிமன்றமே சாட்டை துரைமுருகனுக்கு சப்போர்ட்டா கருத்து தெரிவிச்சிருக்கே... என்று சமூக வலைத்தளங்களில் மேலும் வீடியோக்களை எதிர்பார்த்து காத்திருக்கின்றனர் நாம் தமிழர் தொண்டர்கள்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!