சொகுசு பேருந்தில் 3 கிலோ தங்கக் கட்டிகள் கொள்ளை !  

சேலம் மாவட்டத்தில் சங்ககிரி அருகே வைகுந்தம் டோல்கேட் செயல்பாட்டில் இருந்து வருகிறது. இங்கு நேற்று செப்டம்பர் 16ம் தேதி  நேற்று நள்ளிரவு, சொகுசு ஆம்னி பேருந்தில், நகை பட்டறை ஊழியரிடம் இருந்து 3 கிலோ தங்ககட்டிகள் கொள்ளையடிக்கப்பட்டன.  தர்மபுரியில் வசித்து வருபவர்கள்  ஈஸ்வரன், , மணிவண்ண இருவரும்  தனியார் சொகுசு ஆம்னி பேருந்தில் டிரைவராக பணிபுரிந்து வருகின்றனர். கோவையில் இருந்து நேற்று இரவு, 10.30மணிக்கு, ஆம்னி பேருந்தில்   24 பயணிகளை ஏற்றுக் கொண்டு புதுச்சேரி நோக்கி புறப்பட்டனர். இரவு 12.45 மணிக்கு சேலம் மாவட்டம் சங்ககிரி வைகுந்தம் டோல்கேட் அருகே வந்து கொண்டிருந்த போது  பேருந்தில் இருந்த பயணிகள் டீ குடிப்பதற்காக பேருந்து நிறுத்தப்பட்டது.

அப்போது கோவையைச் சேர்ந்த சங்கர் (45) என்பவர் தனது இருக்கையில் இருந்து எழுந்து டீ குடித்துவிட்டு, மீண்டும் திரும்ப வந்து பஸ்சில் தனது இருக்கையில் அமர்ந்துள்ளார். அப்போது இவரது பேக் மாயமானதை கண்டு  அதிர்ச்சியடைந்த சங்கர், ‘தான் கொண்டு வந்த பையில் 3 கிலோ தங்க கட்டிகளை வைத்திருந்ததாகவும், அந்த பேக் மாயமாகி விட்டதாகவும்’ பஸ் ஓட்டுநர்கள் மற்றும் அங்கிருந்த பயணிகளிடம் தெரிவித்துள்ளார். 
இத்தகவல்  சங்ககிரி போலீசாருக்கு உடனடியாக தெரிவிக்கப்பட்டதன் பேரில்  சம்பவ இடத்துக்கு வந்த போலீசார் விசாரணை நடத்தினர். இதில், சங்கர், கோவையில் உள்ள சீனிவாசன் என்பவருக்கு சொந்தமான தங்க நகை செய்யும் பட்டறையில் 25 ஆண்டுகளாக பணிபுரிந்து   வருவதும், நேற்று நகைகள் விற்பனை செய்வது தொடர்பாக கோவையில் இருந்து புதுச்சேரிக்கு பேருந்தில் 3 கிலோ நகையுடன் வந்ததும் விசாரணையில் தெரியவந்தது.

தொடர்ந்து போலீசார்  பயணிகள், ஓட்டுநர்களிடம் விசாரணை நடத்தினர். இதில், அதே பேருந்தில், விஜிபாபு  கோவையில் பேருந்தில் ஏறி  சங்கர் அமர்ந்திருந்த சீட்டுக்கு அருகில் அமர்ந்து பயணம் செய்துள்ளார். பேருந்து டீ குடிக்க நிறுத்தப்பட்ட போது  விஜிபாபு மட்டும் மாயமாகி உள்ளார்.  இச்சம்பவம் குறித்து போலீசார் வழக்குப்பதிவு செய்து தீவிர விசாரணை மேற்கொண்டு  வருகின்றனர். சங்ககிரியில் 3 கிலோ தங்கம் மாயமான சம்பவம் அப்பகுதியில் பெரும் பரபரப்பை ஏற்படுத்தியுள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?