திருவண்ணாமலை மாவட்டம் புதுப்பாளையம் பேரூராட்சியில் ஏற்பட்ட தாக்குதல் சம்பவம், தேர்தல் முன்பகுதியில் ஆளும்கட்சிக்குள் உருவாகியுள்ள உட்கட்சிப் பூசலை வெளிச்சமிட்டுள்ளது. பேரூராட்சி செயலாளரும், ஆளும்கட்சியின் நிர்வாகப் பொறுப்பிலுமுள்ள சீனுவாசன் மீது, பேரூராட்சி சேர்மன் செல்வபாரதி மனோஜ்குமாரின் கணவரும், அவரது சகோதரர்களும் தாக்குதல் நடத்தியதாகக் கூறப்படும் இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

கடந்த 10 ஆம் தேதி நடந்த ஆய்வு கூட்டத்திற்காக கலசப்பாக்கம் தொகுதி எம்.எல்.ஏ சரவணன் புதுப்பாளையம் பேரூராட்சியை வந்தபோது, தேர்தல் வாக்காளர் பட்டியல் திருத்தம் மற்றும் வளர்ச்சி பணிகள் குறித்து அதிகாரிகளுடன் கலந்துரையாடினார். அந்த நேரத்தில் செயலாளர் சீனுவாசனுக்கும் சேர்மனின் கணவர் மனோஜ்குமாருக்கும் இடையே வாக்குவாதம் வெடித்தது. அதன்பின் அலுவலகத்திலிருந்து எம்.எல்.ஏ கிளம்பிச் சென்ற சில நிமிடங்களிலேயே, மனோஜ்குமார், அவரது சகோதரர் மூர்த்தி, கவுன்சிலர் ராஜ்குமார் ஆகியோர் சேர்ந்து செயலாளர் சீனுவாசனை மிரட்டி தாக்கியதாக சாட்சியங்கள் தெரிவிக்கின்றன.

இதுகுறித்து துணைச் சேர்மன் மகேஸ்வரி சீனுவாசன், “என் கணவரின் உயிருக்கு ஆபத்து” எனக் குறிப்பிட்டு புகார் அளித்தபோதும், இது ஆளும்கட்சி தொடர்பான பிரச்சனை என்பதால் புகார் சில நாட்கள் செயல் ஆக்கப்படாமல் இருந்ததாக குற்றச்சாட்டு எழுந்தது. பின்னர் செயலாளர் சீனுவாசன் நேரடியாக அமைச்சர் எ.வ.வேலுவை சந்தித்ததும், “கட்சியின் செயலாளரை யாரும் தாக்க அனுமதியில்லை, உடனடி நடவடிக்கை எடுக்க” என்ற உத்தரவு பிறந்தது. அதன் பின்னர் மூன்று பேர்மீதும் வழக்கு பதிவு செய்யப்பட்டாலும், நான்கு நாட்கள் கடந்தும் கைது எதுவும் நடைபெறாததே அப்பகுதி மக்களின் சந்தேகத்தையும் அதிருப்தியையும் அதிகரித்துள்ளது.

புதுப்பாளையம் பகுதியில் உள்ள கட்சி நிர்வாகிகள் மற்றும் பொதுமக்கள், “பேரூராட்சி அலுவலகத்தில் சேர்மன் கணவரும், அவரது ரவுடி தம்பியும் அதிகாரம் செலுத்துகிறார்கள். வளர்ச்சி பணிகளில் முன்னேற்றமே இல்லை; கேள்வி கேட்டால் மிரட்டப்படுகின்றோம்” என திறந்தவெளியில் குற்றம் சாட்டி வருகின்றனர்.

கடந்தாண்டும் பேரூராட்சி ஊழியர் ஒருவரை மனோஜ்குமார் மிரட்டிய சம்பவம் பெரிய போராட்டமாக மாறியிருந்தது. அதன்பின்னரும் திருத்தம் ஏதுமின்றி, தற்போது நேரடியாக பேரூராட்சி செயலாளரே தாக்குதலுக்கு உள்ளாகியிருப்பது நிர்வாக ஒழுங்கின் சீரழிவை காட்டுவதாக அப்பகுதி மக்கள் வலியுறுத்துகிறார்கள்.

“இன்று செயலாளரை தாக்கியவர், நாளை எம்.எல்.ஏவைத் தாக்கினாலும் பாதுகாப்பு கிடைக்குமா? கட்சி நிர்வாகிக்கே இது நிலை என்றால் பொதுமக்களின் நிலை என்ன?” என மக்கள் கேள்வி எழுப்பி வருகின்ற சூழல், தேர்தல் சூடுபிடிக்கும் நேரத்தில் ஆளும்கட்சிக்கு பெரும் சவாலாக மாறியுள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!