பரபரக்கும் அரசியல் வட்டாரம்... பிரான்ஸ் பிரதமர் பேய்ரூ  நம்பிக்கை வாக்கெடுப்பில் தோல்வி!

 
 பிரான்ஸ் நாடாளுமன்றத்தில்  நேற்று  நம்பிக்கை வாக்கெடுப்பு நடைபெற்றது. அப்போது  ​​பிரதமர் பிரான்சுவா பேய்ரூவின் அரசாங்கம் வீழ்ந்ததால், பிரெஞ்சு அதிபர் இம்மானுவேல் மக்ரோனுக்கு பெரும் பின்னடைவு ஏற்பட்டது.   பிரான்ஸ் நாடாளுமன்றத்தில் நடந்த நம்பிக்கை வாக்கெடுப்பில் பிரதமர் ஃபிரான்சுவா பேரூ தோல்வியடைந்தார். இதனையடுத்து  அவரது தலைமையிலான அரசு கலைந்தது. அரசின் கடன்களை எதிர்கொள்ள அவரின் புதிய நிதிக் கொள்கைக்கு எதிர்க்கட்சிகள் கடும் எதிர்ப்பு தெரிவித்த போதும், தனக்கான ஆதரவை நிரூபிக்க நடத்திய நம்பிக்கை வாக்கெடுப்பில் பேரூ  தோல்வியை சந்தித்தார்.  

இதனால் பிரான்சில் கடந்த 12 மாதங்களில் 4வது பிரதமரை தேர்ந்தெடுக்கும் சூழல் உருவாகியுள்ளது. அரசாங்கத்திற்கு ஆதரவாக 194 வாக்குகளும், எதிராக 364 வாக்குகளும் பதிவாகியுள்ளன.  அதிபர்  தி இம்மானுவேல் மக்ரோன் 12 மாதங்களில் நான்காவது முறையாக ஒரு புதிய பிரதமரைக் கண்டுபிடிக்க வேண்டியிருக்கும். மேக்ரோனின் நீண்டகால அரசியல் கூட்டாளியான பிராங்கோயிஸ் பேய்ரூ கடந்த ஆண்டு டிசம்பரில் பிரதமராக நியமனம் செய்யப்பட்டார் என்பது குறிப்பிடத்தக்கது.

தற்போதைய நிலையில்  பேய்ரூவின் அரசாங்கத்தின் வீழ்ச்சிக்குப் பிறகு, பிரான்சில் அரசியல் நெருக்கடி ஆழமடைந்து வருகிறது. வாக்கெடுப்புக்குப் பிறகு உடனடியாக, தீவிர இடதுசாரி பிரான்ஸ் அன்போவ்ட் கட்சியின் தலைவரான மதில்டே பன்னோட், ஜனாதிபதி மக்ரோனை ராஜினாமா செய்யக் கோரியுள்ளார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?