அமெரிக்கா, நீரிழிவு (சர்க்கரை நோய்) உள்ளிட்ட உடல் நலப் பிரச்சினைகள் உள்ளவர்களுக்கு இனிமேல் விசா வழங்காது எனும் தகவல் உலகளவில் பெரும் அதிர்ச்சியை ஏற்படுத்தியுள்ளது. இதய நோய், புற்றுநோய், சுவாசக் கோளாறு, நரம்பியல் குறைபாடுகள், ரத்தக் கொதிப்பு, உடல் பருமன் உள்ளிட்ட நிலைமைகள் உள்ளவர்கள் கூட விசா பெறும் வாய்ப்பு குறையலாம் என வெளிநாட்டு தகவல்கள் தெரிவிக்கின்றன.

அமெரிக்க அரசு தனது தூதரகங்களுக்கு புதிய நிர்வாகச் சுற்றறிக்கை அனுப்பியுள்ளதாக கூறப்படுகிறது. அதன்படி சுற்றுலா, மாணவர், வணிக நோக்கில் அமெரிக்காவுக்குச் செல்ல விரும்புவோர் உடல்நிலை பற்றிய விரிவான சான்றுகளை வழங்க வேண்டி இருக்கும். மேலும் எதிர்காலத்தில் அமெரிக்காவில் சிகிச்சை தேவைப்பட்டால் அரசு நிதி உதவி எதுவும் கிடையாது, விண்ணப்பதாரர் தன் செலவில் சிகிச்சை பெற வேண்டிய கட்டுப்பாடு இருப்பதாகக் கூறப்படுகிறது.

முன்னதாக காசநோய், எச்ஐவி போன்ற சில நோய்களுக்கு மட்டுமே பரிசோதனை இருந்த நிலையில், இனி அனைத்துப் பெரிய நோய்களும் மதிப்பீட்டுக்குள் வரலாம் என அதிகார மடல்கள் தெரிவிக்கின்றன. தற்போது தூதரகங்களில் மருத்துவர்கள் இல்லை என்பதால் விசா அதிகாரிகளே விண்ணப்பதாரர்களிடமிருந்து உடல்நல விவரங்களை பெறுவார்கள். தேவைக்கு ஏற்ப எதிர்காலத்தில் மருத்துவர்கள் நியமிக்கப்படலாம் என்றும் கூறப்படுகிறது.

இந்த புதிய நடைமுறை, குறிப்பாக இந்தியர்களை அதிகமாக பாதிக்கும் என நிபுணர்கள் கூறுகின்றனர். அமெரிக்க எச்–1பி விசா பெறுவோரில் 70 சதவீதம் இந்தியர்கள் என்பதும் குறிப்பிடத்தக்கது. ஏற்கனவே விசா கட்டணம் உயர்த்தப்பட்ட நிலையில், உடல் நல நிபந்தனையால் பல இந்திய ஐடி தொழில்நுட்ப நிபுணர்களின் அமெரிக்க கனவு சவாலில் மாட்டும் என்றும் அச்சம் நிலவுகிறது.

அமெரிக்காவில் வசிக்கும் இந்திய வம்சாவளியினர், இது உலகளவில் குழப்பத்தை ஏற்படுத்தும் நடவடிக்கை என கவலை தெரிவித்து உள்ளனர். குறிப்பாக, அமெரிக்காவில் உள்ள குழந்தைகளைச் சந்திக்க இந்திய பெற்றோர் வருவது வழக்கம்; இப்போது அவர்களுக்கு கூட விசா தடைகள் ஏற்படும் அபாயம் உள்ளது.

இதுவரை அமெரிக்க அரசு அதிகாரப்பூர்வ விளக்கமளிக்கவில்லை. தூதரகங்கள் விரைவில் தெளிவான அறிவிப்பை வெளியிடும் என எதிர்பார்க்கப்படுகிறது. இதைத் தொடர்ந்து பல நாடுகள் உத்தியோகபூர்வ பதில்களை எதிர்பார்த்து வருகின்றன.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!