செம...  சுற்றுச்சூழலை பாதிக்காத பிளாஸ்டிக் கண்டுபிடிப்பு… விஞ்ஞானிகள் அசத்தல் ! 

பொதுவாக பிளாஸ்டிக் எளிதில் மக்காதவை. இவற்றின் பயன்பாடுகளால் சுற்றுச்சுழல் மிகக் கடுமையாக பாதிக்கப்பட்டு வருகிறது. இதற்கு மாற்றாக ஜப்பானின் கோபே பல்கலைக்கழக ஆராய்ச்சியாளர்கள் பிளாஸ்டிக் உற்பத்தியில் சுற்றுச்சூழலுக்கு உகந்த ஒரு புதிய பொருளை உருவாக்கியுள்ளனர். இந்தப் பொருள் பைரிடினெடிகார்பாக்சிலிக் அமிலம்  என அழைக்கப்படுகிறது. 

இது PET பிளாஸ்டிக்கில் பயன்படும் தீங்கு விளைவிக்கும் டெரெப்தாலிக் அமிலத்திற்கு மாற்றாகப் பயன்படுத்தப்படலாம் எனத் தகவல் வெளியாகியுள்ளது. PDCA இயற்கையாக மக்கக்கூடியது மற்றும் நைட்ரஜனை அடிப்படையாகக் கொண்டது, இதனால் சுற்றுச்சூழலுக்கு குறைவான பாதிப்பை ஏற்படுத்துகிறது. 
முன்பு PDCA தயாரிக்கும்போது நச்சு கழிவுகள் உருவானதால்  உற்பத்தி அளவும் குறைவாக இருந்தது. ஆனால், இந்த புதிய முறையில் E. coli பாக்டீரியாவை மாற்றி, குளுக்கோஸை உணவாகக் கொடுத்து, சிறப்பு என்சைம்களைப் பயன்படுத்தி PDCA-வை உற்பத்தி செய்யப்படுகிறது.   இதனால் உற்பத்தி ஏழு மடங்கு அதிகரித்து, நச்சு கழிவுகளும் தவிர்க்கப்பட்டுள்ளன. ஆனால், உற்பத்தியின்போது ஒரு புதிய தீங்கு விளைவிக்கும் கழிவு உருவாகியுள்ளது. இதை சரிசெய்ய பைருவேட் என்ற பொருளைச் சேர்த்தனர், ஆனால் இது பெரிய அளவிலான உற்பத்தியில் சிக்கல்களை ஏற்படுத்தலாம் எனக் கூறப்படுகிறது.

இந்த ஆராய்ச்சி பிளாஸ்டிக் மாசு பிரச்சினையைத் தீர்க்க ஒரு முக்கிய படியாக கருதப்படுகிறது.  இந்த முறை பெட்ரோலிய அடிப்படையிலான பிளாஸ்டிக்கை குறைத்து, மக்கும் பிளாஸ்டிக்கை உருவாக்க உதவும். இது சுற்றுச்சூழலைப் பாதுகாக்கவும், பிளாஸ்டிக் கழிவுகளை குறைக்கவும் ஒரு நம்பிக்கை தரும் தீர்வாக உள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?