இன்று சந்திரகிரகணம் நிகழ இருப்பதையொட்டி, திருப்பதி ஏழுமலையான் கோவிலில் பெளர்ணமி கருடசேவை ரத்து செய்யப்படுவதாக அறிவிக்கப்பட்டுள்ளது. பக்தர்கள் இதை கவனத்தில் கொண்டு அதற்கேற்ப தங்கள் யாத்திரையை திட்டமிடுமாறு தேவஸ்தானம் வேண்டுகோள் விடுத்துள்ளது.

திருப்பதி ஏழுமலையான் கோவிலில் ஒவ்வொரு மாதமும் பெளர்ணமி அன்று இரவு 7 மணியில் இருந்து 9 மணிவரை கருடசேவை நடப்பது வழக்கம். அன்றைய தினம் இரவில் தங்கக்கருட வாகனம் வீதி உலா வருவதைக் காண ஆயிரக்கணக்கான பக்தர்கள் பெளர்ணமி தினத்தில் திருப்பதியில் குவிவார்கள். அதன்படி இந்த மாதத்துக்கான கருடசேவை இன்று ஞாயிற்றுக்கிழமை நடக்க இருந்தது.

இன்று இரவு தொடங்கும் சந்திர கிரகணத்தை முன்னிட்டு இன்று இரவு பெளர்ணமி கருட சேவையை திருப்பதி தேவஸ்தானம் ரத்து செய்துள்ளது. இதேபோல் ஊஞ்சல் சேவை, அர்ஜித பிரம்மோற்சவம் மற்றும் சஹஸ்ர தீப அலங்கார சேவை ரத்து செய்யப்பட்டுள்ளன. பக்தர்கள் இதை கவனத்தில் கொண்டு அதற்கேற்ப தங்கள் யாத்திரையை திட்டமிடுமாறு தேவஸ்தானம் வேண்டுகோள் விடுத்துள்ளது.

சந்திர கிரகணத்தை ஒட்டி திருப்பதி கோவிலில் கிரகண தோஷ நிவாரணை பூஜைக்குப் பிறகு 8-ம் தேதி அதிகாலை 2 மணிக்கு நடை திறக்கப்பட்டு பக்தர்கள் தரிசனத்திற்கு அனுமதிக்கப்படுவார்கள். திருப்பதி ஏழுமலையான் கோவிலில் நேற்று 82 ஆயிரத்து 118 பக்தர்கள் சாமி தரிசனம் செய்தனர்.அன்று ஒருநாள் உண்டியல் காணிக்கையாக ரூ.3 கோடியே 97 லட்சம் கிடைத்ததாக, கோவில் அதிகாரிகள் தெரிவித்தனர்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?