திமுகவின் சாதனை எதிர்க்கட்சிகளை உறுத்துகிறது... உதய நிதி ஸ்டாலின் பதிலடி!  

 
சென்னையில்  நடைபெற்ற திருமண நிகழ்ச்சியில், தமிழ்நாடு துணை முதல்வர் உதயநிதி ஸ்டாலின் கலந்து கொண்டார். இங்கு உரையாற்றிய  உதயநிதி தனது உரையில், கலைஞர் மகளிர் உரிமைத் தொகை திட்டத்தின் மாபெரும் வெற்றியை விவரித்து கூறினார்.  இத்திட்டம், தமிழகத்தில் 1.15 கோடிக்கும் மேற்பட்ட மகளிருக்கு மாதம் ரூ.1,000 வழங்கி, அவர்களின் பொருளாதார தன்னிறைவை உறுதி செய்கிறது. “உங்களுடன் ஸ்டாலின் முகாமில் 40% மனுக்கள் இத்திட்டத்திற்காகவே வந்துள்ளன. விடுபட்ட மகளிருக்கு ஓரிரு மாதங்களில் இந்த உரிமைத் தொகை வழங்கப்படும்,” என உறுதி அளித்தார்.

மேல்முறையீடு செய்த 9 லட்சம் மகளிர் இத்திட்டத்தில் இணைக்கப்பட்டு இருப்பதாகவும்  இது தமிழக மகளிரின் சுயமரியாதையையும், வேலைவாய்ப்பு விகிதத்தையும் (43%) உயர்த்தியுள்ளதாகவும் அவர் சுட்டிக் காட்டினார். தி.மு.க. அரசின் மற்றொரு சாதனையாக, விடியல் பயணம் திட்டத்தின் கீழ் 730 கோடி இலவச பயணங்களை மகளிர் மேற்கொண்டு இருப்பதாக  உதயநிதி குறிப்பிட்டார்.இந்தத் திட்டங்கள், தமிழகத்தின் பொருளாதார வளர்ச்சியை 11.19% ஆக உயர்த்தியுள்ளன, இது இந்தியாவின் 6.5% வளர்ச்சியை விட இரு மடங்கு அதிகம். “திராவிட மாடல் அரசு, மக்களின் அடிப்படைத் தேவைகளைப் பூர்த்தி செய்து, சமூகநீதியை உறுதி செய்கிறது,” எனக் கூறி, அவர் இந்த நிகழ்ச்சியில் பங்கேற்ற புதுமணத் தம்பதிகளை வாழ்த்தினார். எடப்பாடியின்  குற்றச்சாட்டுகளுக்கு உதயநிதி கடுமையான பதிலடி கொடுத்தார்.

 “அறநிலையத்துறை நிதி மக்களுக்கே சொந்தம். இதைப் பயன்படுத்தி ஏழை மாணவர்களுக்கு உயர்கல்வி வழங்குவது தவறல்ல. உச்சநீதிமன்றமும் இந்த வழக்கை தள்ளுபடி செய்து, அரசின் நிலைப்பாட்டை உறுதிப்படுத்தியுள்ளது,” என உதயநிதி தெரிவித்தார். “இந்தத் திருமணங்கள், ஏழை மக்களுக்கு எளிமையாகவும், சமத்துவத்துடனும் நடத்தப்படுகின்றன. முந்தைய அதிமுக அரசு இத்தகைய திட்டங்களை நிறுத்தியது, ஆனால் தி.மு.க. அரசு மீண்டும் இவற்றை தொடங்கியுள்ளது,” என விளக்கினார்.  “திராவிட மாடல் அரசின் சாதனைகள், எதிர்க்கட்சியினரின் கண்களை உறுத்துகிறது. ஆனால், மக்கள் இந்த முன்னேற்றங்களைப் புரிந்து, அரசை ஆதரிக்கின்றனர்,” எனவும்  உதயநிதி தெரிவித்துள்ளார்.  

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?