3,000 சதவிகித வருமானம்... 30 கோடி மதிப்புள்ள ஒப்பந்தம்... மலைக்கவைத்த மல்டிபேகர்!
கோல்டியம் இன்டர்நேஷனல் லிமிடெட் நிறுவனம் தனது சர்வதேச வாடிக்கையாளர்களிடமிருந்து வைரம் பதித்த தங்க நகைகளை தயாரிப்பதற்காக ரூபாய் 30 கோடி மதிப்பிலான ஏற்றுமதி ஆர்டர்களைப் பெற்றுள்ளதாக அறிவித்துள்ளது.
கூடுதலாக, 21,79,493 முழுமையாக செலுத்தப்பட்ட ஈக்விட்டி பங்குகள் ஒவ்வொன்றும் ரூ.2 முக மதிப்புள்ள பங்குகளை ரூபாய் 50 என்ற விலையில் திரும்ப வாங்குவதாக (buy back) நிறுவனம் அறிவித்துள்ளது. ஜூலை 21, 2023 வெள்ளிக்கிழமை பங்குகளை திரும்பப்பெறுவதற்கான பதிவுத் தேதியாக நிறுவனம் நிர்ணயித்துள்ளது.
கோல்டியம் இன்டர்நேஷனல் லிமிடெட் வைரம் மற்றும் நகைகளை தயாரித்து ஏற்றுமதி செய்கிறது. குழுமத்தின் நகை தயாரிப்புகள் தங்கம், பிளாட்டினம், வண்ணக்கற்கள் மற்றும் பளபளப்பான வைரங்களால் நகைகள் என்பது குறிப்பிடத்தக்கது.
நிதிநிலைகளின்படி, கோல்டியம் இன்டர்நேஷனல் மூன்று ஆண்டு சிஏஜிஆர் 81 சதவிகிதத்துடன் ரூபாய் 1,400 கோடிக்கு மேல் சந்தை மூலதனத்தைக் கொண்டுள்ளது. நிறுவனம் காலாண்டு முடிவுகள் மற்றும் முழு ஆண்டு முடிவுகளில் சிறபான முடிவுகளை பதிவு செய்துள்ளது. நிகர விற்பனை 69.46 சதவிகிதம் அதிகரித்துள்ளது மற்றும் நிகர லாபம் FY21 FY22ல் 58.21 சதவிகிதம் அதிகரித்துள்ளது.
வெள்ளியன்று, கோல்டியம் இன்டர்நேஷனல் லிமிடெட் பங்குகள் அதன் முந்தைய முடிவான ரூபாய் 129.95 லிருந்து ஒரு பங்கின் விலை 0.27 சதவிகிதம் சரிந்து ரூபாய் 129.60 ஆக இருந்தது. 52 வாரங்களில் அதிகபட்சமாக ரூபாய் 178.95 ஆகவும், 52 வாரங்களில் குறைந்தபட்சமாக ரூபாய் 121.20 ஆகவும் உள்ளது.
பங்குகளின் PE 16.80x, ROE 21 சதவிகிதம் மற்றும் ROCE 22 சதவிகிதம். இந்நிறுவனத்தின் பங்குகள் இரண்டு ஆண்டுகளில் 30 சதவிகிதமும், மூன்று ஆண்டுகளில் 500 சதவிகிதமும் உயர்ந்துள்ளது. இந்த பங்கு கடந்த பத்தாண்டுகளில் 3,000 சதவிகிதத்திற்கும் அதிகமான மல்டிபேக்கர் வருமானத்தை அளித்துள்ளது, முதலீட்டாளர்கள் இந்த ஸ்மால்-கேப் ஜெம்ஸ் & நகைப் பங்கின் மீது ஒரு கண்ணை வைத்திருக்க வேண்டும் என்கிறார்கள் சந்தை நிபுணர்கள்.
இதையும் பிடிச்சிருந்தா படிச்சு பாருங்க
இந்த 5 ராசிக்காரர்களுக்கு ஜூலை முழுவதுமே அதிர்ஷ்டம் தான்!