400 சதவீத வருமானம்... ரூ.1,744 கோடி மதிப்பிலான ஆர்டர்.. அசத்தும் ஷேர்!

சத்தீஸ்கர் மாநில மின் விநியோக நிறுவனத்தில் (CSPDCL) ஸ்மார்ட் மீட்டரிங் திட்டத்தை செயல்படுத்துவதற்கான கடிதத்தை டாடா பவர் நிறுவனம் பெற்றுள்ளது. சத்தீஸ்கர் டிஸ்காமின் கீழ் வெவ்வேறு பகுதிகளுக்கு மூன்று பேக்கேஜ்களுக்கு CSPDCL நடத்திய டெண்டரின் முடிவில் LOA வழங்கப்பட்டுள்ளது. டாடா பவர் தொகுப்பு 2ல் பங்கேற்று இந்த வெற்றியை ருசித்தது. டாடா பவர் நிறுவனத்திற்கு வழங்கப்பட்ட திட்டத்தின் மதிப்பு சுமார் ரூபாய் 1,744 கோடியாகும், மேலும் இந்த திட்டம் 10 ஆண்டுகளுக்கு நீட்டிக்கப்படும் எனவும் தெரிவித்துள்ளது.

திட்டமானது வடிவமைப்பு, வழங்கல், நிறுவுதல் மற்றும் ஆணையிடுதல் ஆகியவற்றை உள்ளடக்கியதாக இருக்க வேண்டும், அதைத் தொடர்ந்து நுகர்வோருக்கு விநியோக மின்மாற்றி திட்டத்தில் ஸ்மார்ட் மீட்டர்களின் செயல்பாடு மற்றும் பராமரிப்பு ஆகியவையும் அடங்கும். இந்தத் திட்டம் புதுப்பிக்கப்பட்ட விநியோகத் துறைத் திட்டத்தின் (RDSS) கீழ் செயல்படுத்தப்படும் மற்றும் நியமிக்கப்பட்ட பகுதியில் AT&C மின்சார இழப்புகளை மேம்படுத்தி CSPDCLக்கான வருவாய் சேகரிப்பை அதிகரிக்கும் எனவும் எதிர்பார்க்கப்படுகிறது.

டாடா பவர் கம்பெனி லிமிடெட் முதன்மையாக மின்சாரம் உற்பத்தி, பரிமாற்றம் மற்றும் விநியோகம் ஆகியவற்றில் ஈடுபட்டுள்ளது. புதுப்பிக்கத்தக்க ஆதாரங்கள் மூலம் மின்சாரத்தை முழுமையாக உற்பத்தி செய்வதே இதன் முக்கிய நோக்கமாகும். வியாழன்று, பங்கு ரூபாய் 225.00 இல் துவங்கியது, அதிகபட்சம் மற்றும் குறைந்தது ரூபாய் 230.25 மற்றும் ரூபாய் 223.65. பங்கு உயர்ந்து  வர்த்தகம் ஆனது. வெள்ளியன்று சந்தை கடும் சரிவை சந்தித்த பொழுதும் 0.74 சதவிகிதம் மட்டுமே குறைந்து ரூபாய் 227.85ல் நிறைவு செய்தது.

இப்பங்கு கடந்த மூன்று ஆண்டுகளில் 400 சதவிகிதத்திற்கும் அதிகமான மல்டிபேக்கர் வருமானத்தை வழங்கியுள்ளது. முதலீட்டாளர்கள் இந்த பங்கை உன்னிப்பாக கவனிக்க வேண்டும் என்கிறார்கள் சந்தை வல்லுநர்கள்.

இதையும் பிடிச்சிருந்தா படிச்சு பாருங்க

வீடியோ!  5 அடி முதலையை விழுங்கும் மலைப்பாம்பு!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

இந்த 5 ராசிக்காரர்களுக்கு ஜூலை முழுவதுமே அதிர்ஷ்டம் தான்!