வடகொரிய வெள்ளத்தில் 4000 பேர் உயிரிழப்பு... கடமைத் தவறிய 30 அதிகாரிகளுக்கு மரணதண்டனை விதித்து அதிபர் கிம் உத்தரவு!
கடந்த ஜூலை மாதம் வடகொரியா சாகாங் மாகாணத்தில் பெய்த கனமழையால் ஏற்பட்ட பெருவெள்ளத்தில் 4,000க்கும் மேற்பட்டோர் உயிரிழந்தனர். வெள்ளம் நகரைச் சூழ்ந்ததால் பொதுமக்களின் இயல்பு வாழ்க்கை பெருமளவு பாதிக்கப்பட்டது. ஆயிரக்கணக்கில் பொதுமக்கள் தங்களது குடியிருப்புகளை விட்டு இடம் பெயர்ந்தனர்.
வட கொரியாவை தளமாகக் கொண்ட செய்தி நிலையமான சோசன் டிவியின் அறிக்கையின்படி, பெருவெள்ளத்தில் 4,000 பேர் உயிரிழந்துள்ள நிலையில், வெள்ளத்தைத் தடுக்க தவறிய, கடமையை மறந்த 30 அதிகாரிகளுக்கு இம்மாத இறுதிக்குள் மரணதண்டனை நிறைவேற்றப்பட வடகொரிய அதிபர் கிம் ஜாங் உன் உத்தரவிட்டுள்ளதாக தகவல்கள் வெளியாகி உள்ளது.
இது குறித்து வடகொரிய அதிகாரி ஒருவர் கூறுகையில், "ஏற்றுக் கொள்ள முடியாத உயிரிழப்புகளை ஏற்படுத்துபவர்கள் கடுமையாக தண்டிக்கப்படுவார்கள்". சாகாங் மாகாணத்தின் முன்னாள் கட்சியின் செயலாளரான காங் பாங்-ஹூனும் விசாரணைக்கு உட்படுத்தப்பட்டவர்களில் ஒருவர். பேரிடர் தடுப்பு பணிகளை புறக்கணிக்கும் அதிகாரிகள் "கடுமையான தண்டனையை" சந்திக்க நேரிடும் என்று கிம் ஜாங்-உன் கூறியிருந்தார்.
கொரிய மத்திய செய்தி நிறுவனம் (KCNA) படி. கனமழையால் ஏற்பட்ட வெள்ளம் காரணமாக 4,000க்கும் மேற்பட்டவர்கள் உயிரிழந்துள்ளனர். 5,000க்கும் அதிகமானவர்கள் தங்களது வீடுகளை இழந்துள்ளனர். வெள்ளம் பாதித்த மாவட்டங்களில் கிம் தனிப்பட்ட முறையில் சுற்றுப்பயணம் மேற்கொண்டபோது, சம்பவத்தின் தீவிரத்தையும், அதை மறுவாழ்வு செய்வதற்கான அரசாங்கத்தின் உறுதியையும் அவர் வலியுறுத்தினார்.
வெள்ளத்தால் பாதிக்கப்பட்ட பகுதிகளை புனரமைக்க இரண்டு முதல் மூன்று மாதங்கள் ஆகும் என்று வடகொரிய தலைவர் அறிவித்தார். அது மூன்று மாகாணங்களின் சில பகுதிகளை "சிறப்பு பேரிடர் அவசர மண்டலங்கள்" என்று அறிவித்தது. இதையடுத்து, வெள்ளத்தைத் தடுக்கத் தவறிய 30 உயர் அதிகாரிகளுக்கு தூக்குத் தண்டனை விதித்து வடகொரிய அதிபர் கிம் ஜாங் உன் உத்தரவிட்டார்.
இதையும் பிடிச்சிருந்தா படிச்சு பாருங்க
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பகீர்! கல்லூரி மாணவியைக் கடத்தி பாலியல் வன்கொடுமை!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!