பகீர் வீடியோ... 19 வயசு தான்... இளம்பெண் கணவருடன் நடனமாடிய போது மயங்கி சரிந்து பலி!
இந்தியா முழுவதும் நவராத்திரி பண்டிகை விமரிசையாக கொண்டாடப்பட்டு வருகிறது அந்த வகையில் மத்தியப்பிரதேசத்தின் கார்கோன் நகரில் துயர சம்பவம் ஒன்று அரங்கேறியுள்ளது. அதன்படி கார்கோன் நகரில் 19 வயது இளம் மணப்பெண் சோனம். இவர் தனது கணவருடன் கர்லா நடனமாடிக்கொண்டிருந்தார். அப்போது திடீரென மாரடைப்பு ஏற்பட்டு மயங்கி சரிந்து கீழே விழுந்து உயிரிழந்தார். சோனம் என்ற அந்த இளம் பெண், நடனமாடி சில நிமிடங்களில் சரிந்து விழுந்த வீடியோ சமூக வலைதளங்களில் வைரலாகி பலரையும் அதிர்ச்சியில் ஆழ்த்தியுள்ளது.
சோனத்திற்கு கடந்த 4 மாதங்களுக்கு முன்புதான் திருமணம் முடிந்தது. இவர் தனது கணவருடன் நவராத்திரி கொண்டாட்டத்தில் பங்கேற்றபோது இந்த சோக சம்பவம் நடந்ததாக தெரிகிறது. இது குறித்து வெளியான வீடியோவில் சோனம் திடீரென தரையில் விழுந்தவுடன், அது நடனத்தின் ஒரு பகுதி என்று அவரது கணவரும் உறவினர்களும் முதலில் நினைத்தனர்.
ஆனால், அவள் நீண்ட நேரம் அசைவின்றி கிடந்தார். இதனால் பதற்றத்துடன் மருத்துவமனைக்கு அழைத்து செல்லப்பட்டார். அங்கே பரிசோதித்த மருத்துவர்கள், அவருக்கு மாரடைப்பு ஏற்பட்டதால் உயிரிழந்துவிட்டதாக தெரிவித்தனர். சோனமின் குடும்பத்தினர், அவர் மிகவும் ஆரோக்கியமாக இருந்ததாகவும், அவருக்கு எந்தவிதமான உடல்நல குறைபாடும் இருந்ததில்லை எனவும் கூறியுள்ளனர்.
புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்
பளபளக்கும் மிருதுவான சருமத்திற்கு இதை மட்டும் செய்தாலே போதும்!!