நடுரோட்டில் டயர் வெடித்து தலைகீழாய் கவிழ்ந்த லாரி, மினிவேன்... ஓட்டுநர் படுகாயம்!
தமிழகத்தில் தூத்துக்குடி மாவட்டம் கயத்தாறு அருகே டயர் வெடித்து நடுரோட்டில் மினி வேன் கவிழ்ந்து விபத்துக்குள்ளானதில் மினி வேனில் இருந்த தர்பூசணி பழங்கள் சாலையில் சிதறிக் கிடந்தன.கேரள மாநிலம் திருவனந்தபுரம் பகுதியைச் சேர்ந்தவர் நவுபல் (38). மினி வேன் ஓட்டுநரான இவர் திண்டுக்கல் மாவட்டம் ஒட்டன்சத்திரம் மார்க்கெட்டில் இருந்து தர்பூசணி பழங்கள், வெங்காயத்தை ஏற்றிக் கொண்டு நேற்று முன்தினம் நள்ளிரவில் அங்கிருந்து புறப்பட்டார். அதிகாலை 4.30 மணி அளவில் தூத்துக்குடி மாவட்டம் கயத்தாறு அருகே உள்ள ராஜாபுதுக்குடியிருப்பு நாற்கர சாலையில் இவரது மினி வேன் வந்து கொண்டு இருந்தது.
அப்போது, திடீரென்று மினி வேனின் முன்பக்க டயர் வெடித்தது. இதில் மினி வேன் நிலைதடுமாறி சாலையில் உருண்டு கவிழ்ந்து விபத்துக்குள்ளானதில் ஓட்டுநர் நவ்பல் பலத்த காயமடைந்து உயிருக்கு போராடிக் கொண்டிருந்தார். மினி வேனில் இருந்த தர்பூசணி, வெங்காயம் ஆகியவை சாலையில் ஆங்காங்கே சிதறிக் கிடந்தன.
இந்த விபத்து குறித்து தகவல் அறிந்த கயத்தாறு போலீசார் சம்பவ இடத்திற்கு விரைந்து சென்றனர். படுகாயம் அடைந்த நவ்பலை மீட்டு சிகிச்கைக்காக பாளையங்கோட்டை அரசு மருத்துவமனைக்கு அனுப்பி வைத்தனர். தொடர்ந்து விபத்து குறித்து சப்-இன்ஸ்பெக்டர் குருசாமி மற்றும் போலீசார் வழக்குப்பதிவு செய்து விசாரணை நடத்தி வருகிறார்கள்.
இதே போல் திருவனந்தபுரத்தில் இருந்து சேலத்திற்கு மீன்களை ஏற்றிக் கொண்டு ஒரு லாரி புறப்பட்டது. லாரியை பத்தினம்திட்டாவை சேர்ந்த கபீர்முகம்மது ஓட்டினார். கயத்தாறு சுங்கச்சாவடி அருகே வந்த போது, லாரியின் டயர் திடீரென்று வெடித்தது. இதனால் நிலைதடுமாறிய லாரி சாலையில் கவிழ்ந்து விபத்துக்குள்ளானது.
டிரைவர் கபீர்முகம்மது லேசான காயத்துடன் உயிர் தப்பினார். லாரியில் இருந்த மீன்களும் சாலையோரத்தில் சிதறிக்கிடந்தன. இது குறித்து தகவல் அறிந்த கயத்தாறு போலீஸ் சப்-இன்ஸ்பெக்டர் பிச்சையா மற்றும் போலீசார் சம்பவ இடத்திற்கு விரைந்து சென்றனர். மேலும் கிரேன் மூலம் லாரியை அப்புறப்படுத்தி போக்குவரத்தை சரிசெய்தனர்.
இதையும் பிடிச்சிருந்தா படிச்சு பாருங்க
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பகீர்! கல்லூரி மாணவியைக் கடத்தி பாலியல் வன்கொடுமை!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!