ஆடி வெள்ளி: அதிகாலை முதலே அம்மன் கோவில்களில் அலைமோதும் பெண்களின் கூட்டம்!
உலகம் முழுவதும் உள்ள மாரியம்மன் ஆலயங்களுக்கு தலைமைப்பீடமாக திகழும் திருச்சி சமயபுரம் மாரியம்மன் கோவிலில் தமிழகத்தின் பல்வேறு மாவட்டங்களில் இருந்து பல ஆயிரக்கணக்கானோர் நீண்ட வரிசையில் காத்திருந்து சாமி தரிசனம் செய்து வருகின்றனர்.
பக்தர்களில் பலர் மொட்டை அடித்தும், தீச்சட்டி ஏந்தியும், துலாபாரம் காணிக்கை செலுத்தியும், அலகு குத்தியும் நேர்த்திக்கடனை செலுத்தி வருகின்றனர். வரிசையில் காத்திருக்கும் பக்தர்களுக்கு கோவில் நிர்வாகம் சார்பில் கூழ், பானகம் பிரசாதமாக வழங்கி வருகின்றனர்.
கோவிலில் பக்தர்கள் பாதுகாப்பு மற்றும் அவர்களை ஒருங்கிணைக்கவும் கோவில் ஊழியர்களுடன் தன்னார்வலர்களும் பாதுகாப்பு பணியில் ஈடுபடுத்தப்பட்டுள்ளனர். இதே போல் மணப்பாறை வேப்பிலை மாரியம்மன் கோவில், துறையூர் மாரியம்மன் கோவில், உறையூர் வெக்காளியம்மன் கோவில் உட்பட பல்வேறு மாவட்டங்களிலும் அம்மன் கோவில்களில் அதிகாலை முதல் பெண்கள் குடும்பத்துடன் நீண்ட வரிசையில் காத்திருந்து தரிசனம் செய்து வருகின்றனர். அதைப் போலவே காஞ்சி காமாட்சி, மதுரை மீனாட்சி, மாங்காடு காமாட்சி, திருவெற்றியூர் வடிவுடையம்மன், பெரியப்பாளையத்தம்மன், மேல்மருவத்தூர் ஆதிபராசக்தி என்று தமிழகம் முழுவதும் அம்மன் கோவில்களில் அதிகாலை முதலே பெண்கள் கூட்டமாக சென்று வழிபட்டு வருகின்றனர்.
ஆடி மாதத்தில் சுபகாரியங்களை செய்யலாமா? கூடாதா?!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா