கூட்ட நெரிசலில் 41 பேர் உயிரிழப்பு போன்ற சம்பவம் இனி எங்குமே நடக்கக் கூடாது... நிர்மலா சீதாராமன் பேட்டி!

கரூர் மாவட்டத்தில்  விஜய் பிரச்சாரத்தில் கூட்ட நெரிசல் ஏற்பட்டதில் குழந்தைகள், பெண்கள் உட்பட 41 பேர் உயிரிழந்தனர். மேலும் 100க்கும் மேற்பட்டோர் படுகாயம் அடைந்து சிகிச்சைக்காக மருத்துவமனையில் அனுமதிக்கப்பட்டுள்ளனர்.  இந்த சம்பவம் நாடு முழுவதும் பெரும் அதிர்வலைகளை ஏற்படுத்தியது. இந்நிலையில் மத்திய  அமைச்சர் நிர்மலா சீதாராமன் இன்று கரூர் சென்றுள்ளார்.அங்கு கூட்ட நெரிசல் ஏற்பட்ட பகுதியை பார்வையிட்டு ஆய்வு செய்தார்.

தொடர்ந்து நெரிசலில் சிக்கி உயிரிழந்தவர்களின் குடும்பத்தினரையும், மருத்துவமனையில் சிகிச்சை பெற்று வருவர்களை சந்தித்து ஆறுதல் கூறினார். அதனைத்தொடர்ந்து  நடைபெற்ற செய்தியாளர் சந்திப்பில்  கரூரில் நிகழ்ந்த அசம்பாவிதம் அதிர்ச்சி அளிக்கிறது. நாட்டில் இனி இதுபோன்ற சம்பவம் ஏதும் நடைபெறக் கூடாது. கரூர் அரசு மருத்துவமனையில் சிகிச்சை பெறுவோரிடம் நலம் விசாரித்தேன். பாதிக்கப்பட்டோர் பேசுவதை கேட்டவுடன் கலங்கி நின்றேன். பிரதமர் மோடி நேரடியாக கரூருக்கு வர விரும்பினார்.

பிரதமர் வர முடியாத நிலையில் எங்களை நேரில் சென்று ஆறுதல் கூற அனுப்பி வைத்துள்ளார்.  
கரூர் இறப்புகள் குறித்து சமூகவலைதளம் மூலம் இரங்கல் தெரிவித்த பிரதமர் எங்களை பார்வையிட அறிவுறுத்தியுள்ளார். மேலும்  சிகிச்சை பெற்று வருபவர்கள் குறித்து  பிரதமர் மோடி நலம் விசாரித்தார். கரூர் கூட்ட நெரிசலில் சிக்கி பாதிக்கப்பட்டோர் ஏழை குடும்பங்களைச் சேர்ந்தவர்கள். பாதிக்கப்பட்டோரின் குடும்பங்களுக்கு ஆறுதல் சொல்ல கூட வார்த்தை வரவில்லை. கூட்ட நெரிசலில் 41 பேர் உயிரிழப்பு  போன்ற சம்பவம் இனி எங்குமே நடக்கக் கூடாது. பாதிக்கப்பட்டவர்களை சந்திக்க மட்டுமே வந்தோம்; இதில் வேறு எந்த உள்நோக்கமும் இல்லை.  
உயிரிழந்த குடும்பங்களுக்கு பிரதமர் மோடி தலா ரூ.2 லட்சம் நிவாரணம் அறிவித்துள்ளார். பொதுமக்கள் ஆர்வத்துடன் வந்ததால் ஏற்பட்ட பாதிப்பினால் தான்  நெரிசல் ஏற்பட்டுள்ளது. கூட்ட நெரிசல் பாதிப்புகள் தொடர்பாக யாரையும் குற்றம்சாட்ட நான் விரும்பவில்லை. கட்சி சார்பில் விமர்சனங்களை முன்வைக்க நான் இங்கு வரவில்லை எனக் கூறியுள்ளார்.

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?