திமுக மேயர் மருமகள் திடீர் மரணம்.. மகனுக்கு வேறொரு பெண்ணுடன் தொடர்பு.. உறவினர்கள் பரபரப்பு புகார்..!

சேலம் மாநகராட்சி மேயராக திமுகவைச் சேர்ந்த ராமச்சந்திரன் உள்ளார். இவரது வீடு கோரிமேடு பகுதியில் உள்ளது. இவருக்கு மீனாட்சி என்ற மனைவியும், சுதர்சன் பாபு என்ற மகனும், சுமித்ரா என்ற மகளும் உள்ளனர். இவரது மகன் சுதர்சன் பாபுவின் மனைவி சுதா. இவர்களுக்கு திருமணமாகி 15 ஆண்டுகள் ஆகிறது. இவர்களுக்கு 13 வயதில் மகள் உள்ளார். தம்பதிக்கு கடந்த சில ஆண்டுகளாக குடும்ப பிரச்னை இருந்து வந்தது.

ஆனால், திடீரென உடல்நலக்குறைவு ஏற்பட்டதையடுத்து, சுதாவுக்கு அப்பகுதியில் உள்ள ஆரம்ப சுகாதார நிலையத்துக்கு அழைத்துச் செல்லப்பட்டார். பின்னர் அவரது உடல்நிலை மோசமடைந்ததால் சேலம் குமாரமங்கலம் மருத்துவமனைக்கு கொண்டு செல்லப்பட்டார். ஆனால் அங்கு சுதாவை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர்.

சுதாவின் மரணம் குறித்து தகவல் அறிந்த அவரது பெற்றோர் மற்றும் உறவினர்கள் சுதாவின் சாவில் மர்மம் இருப்பதாக கூறி மருத்துவமனை வளாகத்தில் போராட்டத்தில் ஈடுபட்டனர். மேலும் அவரது கணவர் சுதர்சன் பாபுவுக்கு வேறு ஒரு பெண்ணுடன் தொடர்பு இருப்பதாகவும், உணவு கொடுக்காமல் சுதாவை கொடுமைப்படுத்துவதாகவும் உறவினர்கள் குற்றம் சாட்டினர்.

இதுகுறித்து சுதாவின் சகோதரர் பரமசிவம் சேலம் கன்னங்குறிச்சி காவல் நிலையத்தில் புகார் அளித்தார். அதில், சுதாவின் மரணத்திற்கு காரணமான மேயர், அவரது மனைவி, மகன், மகள் மீது உரிய நடவடிக்கை எடுக்க வேண்டும் என   கூறியிருந்தார். இந்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

சேலம் மாநகராட்சி மேயர் ராமச்சந்திரன் வெளியிட்டுள்ள அறிக்கையில் கூறியிருப்பதாவது: சுதர்சன் பாபு திருமணத்திற்கு பின், அவர் மீது எந்த தவறும் இல்லை என்பதை உறுதி செய்தேன். எனது மருமகளுக்கு உடல்நிலை சரியில்லாத போது, ​​சேலம் தனியார் மருத்துவமனையில் சிகிச்சை பெற்று வந்தார். வெற்றிலை பாக்குக்கு அடிமையானாள். அதனால் உடல்நிலை மோசமடைந்தது.

பொதுவாழ்க்கையில் இருப்பதால் நானும் தனியாக வாழ்கிறேன். எனது நற்பெயருக்கு களங்கம் ஏற்படுத்தும் நோக்கில் எனது மருமகள் குடும்பத்தினர் தவறான செய்திகளை பரப்புகின்றனர்.இவ்வாறு அவர் கூறினார்.

தை மாத ராசிபலன்கள்... யார் யாருக்கு ஏற்றம் தரும்... இந்த மாதத்தில் பரிகார வழிபாடு எது?

தை மாத சிறப்புக்கள், வழிபாடு, பலன்கள்....!

தை வெள்ளிக்கிழமை... மறந்தும் இதை மட்டும் செய்துடாதீங்க!

தை பொறந்தாச்சு... இந்த 6 ராசிக்காரங்களுக்கு அதிர்ஷ்டம் அலைமோதும்... மிஸ் பண்ணாதீங்க