குடிபோதையில் போலீசாரிடம் தகராறு செய்த இளம்பெண்... சென்னை கோயம்பேட்டில் பரபரப்பு!

சென்னை கோயம்பேட்டில் குடிபோதையில் போலீசாருடன் தகராறு செய்த பெண் மற்றும் அவரது உறவினர் கைது செய்யப்பட்டதால் பரபரப்பு ஏற்பட்டது.

அம்பத்தூரை அடுத்த பாடி பகுதியில் வசிக்கும் 34 வயதான ரேவதி மற்றும் அவரது உறவினர் ராஜா, கடந்த புதன்கிழமை வாடகை ஆட்டோவில் கோயம்பேடு பேருந்து நிலையத்துக்கு வந்தனர். அப்போது இருவரும் மிகுந்த குடிபோதையில் இருந்ததாக கூறப்படுகிறது.

ஆட்டோவை விட்டு இறங்க மறுத்த இருவரும், ஆட்டோ ஓட்டுநருடன் வாக்குவாதத்தில் ஈடுபட்டனர். இதைக் கவனித்த ரோந்து போலீசார் அங்கு சென்று விசாரிக்க முயன்றபோது, ரேவதி அவர்களிடம் அநாகரிகமாக நடந்து கொண்டதாக தெரிவிக்கப்பட்டுள்ளது.

பின்னர், இருவரையும் போலீசார் கட்டுப்படுத்தி நிலையத்துக்கு அழைத்து சென்றனர். விசாரணையின் பின்னர், குடிபோதையில் இருந்ததற்காகவும், பொதுவிடத்தில் போலீசாருடன் தகராறு செய்ததற்காகவும் ரேவதி மற்றும் ராஜா கைது செய்யப்பட்டு, பின்னர் எச்சரிக்கையுடன் வீடு திருப்பி அனுப்பப்பட்டனர்.

இந்த சம்பவம் கோயம்பேடு பேருந்து நிலையத்தில் சில நேரம் பரபரப்பை ஏற்படுத்தியது.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?