பிரபல நடிகைக்கு பாலியல் தொல்லை... வேலைப் பார்த்த கார் டிரைவரே அடாவடி!

தன்னிடம் வேலைப் பார்த்து வந்த கார் டிரைவரே தனக்கு பாலியல் தொல்லைக் கொடுத்து, கொலை மிரட்டல் விடுத்துள்ளதாக நடிகை ஷெரினா காவல் நிலையத்தில் புகாரளித்துள்ளது ரசிகர்களை அதிர்ச்சிக்குள்ளாக்கி உள்ளது. சென்னையில் திரையுலக பிரபலங்கள் அதிர்ச்சியில் உறைந்து, தங்களது பாதுகாப்பு குறித்து கவலையில் ஆழ்ந்துள்ளனர்.

பெங்களூருவைச் சேர்ந்த மாடல் அழகியும், நடிகையுமான ஷெரினா 'பிக் பாஸ் சீசன்-6' நிகழ்ச்சியில் போட்டியாளராக கலந்து கொண்டு ரசிகர்களிடையே பிரபலமடைந்தார். இயக்குநரும், நடிக்கருமான சமுத்திரக்கனியின் ‘வினோதயா சித்தம்’ படத்தில் ஷெரினா நடித்திருந்தது குறிப்பிடத்தக்கது. சென்னை ராயப்பேட்டை ஜிபி சாலையில் உள்ள அடுக்குமாடி குடியிருப்பு ஒன்றில் தங்கியிருந்து, சினிமா வாய்ப்புகளைத் தேடி வந்தார் நடிகை ஷெரினா. இந்நிலையில், நடிகை ஷெரீனாவின் மேலாளர் கவுரி ஜெகநாதன் அண்ணாசாலை காவல் நிலையத்தில் கடந்த ஜனவரி 20ம் தேதி புகார் ஒன்றை அளித்துள்ளார்.

அந்த புகாரில், நடிகை ஷெரினாவிடம் கார் டிரைவராக பணிபுரிந்து வரும் கார்த்திக் மற்றும் அவரது நண்பர்கள், நடிகை ஷெரீனாவுக்கு தொலைபேசியில் கொலை மிரட்டல் விடுத்து பாலியல் சில்மிஷத்தில் ஈடுபட முயன்றுள்ளனர் என்று தெரிவிக்கப்பட்டிருந்தது.

இந்த புகாரின் பேரில் சென்னை அண்ணாசாலை போலீசார் வழக்குப்பதிவு செய்து விசாரணை நடத்தி வந்தனர். இந்த வழக்கில் தலைமறைவாக இருந்த நடிகை ஷெரீனாவின் கார் டிரைவர் திருவள்ளூரைச் சேர்ந்த கார்த்திக் மற்றும் அவரது நண்பர் விழுப்புரம் மாவட்டத்தைச் சேர்ந்த இளையராஜா ஆகியோரை மயிலாடுதுறையில் போலீசார் கைது செய்து சென்னைக்கு அழைத்து வந்தனர்.

பின்னர் அவர்களிடம் போலீசார் நடத்திய விசாரணையில், சில பிரச்சனை காரணமாக கார் டிரைவர் கார்த்திக்கை நடிகை ஷெரீனா வேலை நிறுத்தம் செய்ததால் ஆத்திரமடைந்த கார்த்திக், தனது கூட்டாளி இளையராஜாவுடன் சேர்ந்து நடிகைக்கு தொலைபேசி வாயிலாக பாலியல் தொல்லை கொடுத்து கொலை மிரட்டல் விடுத்தது தெரியவந்தது.  இதையடுத்து, இருவரையும் கைது செய்த போலீசார், நீதிமன்றத்தில் ஆஜர்படுத்தி சிறையில் அடைத்தனர்.

தை மாத ராசிபலன்கள்... யார் யாருக்கு ஏற்றம் தரும்... இந்த மாதத்தில் பரிகார வழிபாடு எது?

தை மாத சிறப்புக்கள், வழிபாடு, பலன்கள்....!

தை வெள்ளிக்கிழமை... மறந்தும் இதை மட்டும் செய்துடாதீங்க!

தை பொறந்தாச்சு... இந்த 6 ராசிக்காரங்களுக்கு அதிர்ஷ்டம் அலைமோதும்... மிஸ் பண்ணாதீங்க