ஏழை விசாரணைக் கைதிகளின் ஜாமீன் உத்தரவாதத்தை அரசே ஏற்கும் – உச்சநீதிமன்றம் புதிய நடைமுறை!

ஜாமீன் வழங்கப்பட்டாலும், பண உத்தரவாதத்தை செலுத்த இயலாத ஏழை விசாரணைக் கைதிகள் சிறையில் சிக்கிக் கொள்வதை தவிர்க்க, அரசு சார்பில் உத்தரவாதத் தொகையை செலுத்தும் புதிய நிலையான செயல்முறை (SOP) ஒன்றை அமல்படுத்த உச்சநீதிமன்றம் உத்தரவிட்டுள்ளது.

அமிகஸ் கியூரி சித்தார்த் லூத்ரா மற்றும் கூடுதல் சட்டத்துறைத் தரப்பின் ஆலோசனைகளை பெற்ற பின்னர், நீதிபதிகள் எம்.எம்.சுந்தரேஷ் மற்றும் எஸ்.சி. சர்மா தலைமையிலான அமர்வு இந்த SOP-ஐ வடிவமைத்தது.

பண உத்தரவாதம் செலுத்த இயலாமல் ஆயிரக்கணக்கான விசாரணைக் கைதிகள் சிறையில் உள்ளனர் என்பதை கருத்தில் கொண்டு, “ஒரு நபருக்கு ஜாமீன் வழங்கப்பட்டால், அவர் பொருளாதார காரணத்தால் உள்ளே அலைந்து திரியக் கூடாது” என அமர்வு வலியுறுத்தியது.

புதிய வழிகாட்டு கோட்பாடுகளின்படி:

ரூ.1 லட்சம் வரை உள்ள ஜாமீன் தொகையை மாவட்ட சட்ட சேவைகள் ஆணையம் (DLSA) ஏற்றுக்கொள்ளும்.
ரூ.1 லட்சத்திற்கும் மேல் நிர்ணயிக்கப்பட்டால், அதை குறைக்க விசாரணை நீதிமன்றத்தில் விண்ணப்பம் தாக்கல் செய்யப்படும்.

ஜாமீன் வழங்கப்பட்ட 7 நாட்கள் கடந்தும் கைதி விடுதலையாவிலேயே இருந்தால், சிறை அதிகாரிகள் அதை உடனடியாக DLSA-க்கு அறிவிக்க வேண்டும்.

கைதிக்குச் சுய கணக்கில் பணம் இல்லையெனில், DLSA பரிந்துரையின் பேரில் அதிகாரப்பூர்வ குழு 5 நாட்களுக்குள் உத்தரவாதத் தொகையை அரசுத் திட்டத்தின் கீழ் விடுவிக்கும்.

ஒரே வழக்கில் ஒரு கைதிக்கு அதிகபட்சம் ரூ.50 ஆயிரம் வரை நிதி உதவி வழங்கப்படும்.

“நிதி பற்றாக்குறையால் சுதந்திரத்தை மறுப்பது நீதிக்கே எதிராகும்”* என அமர்வு குறிப்பிட்டது.  இந்த தீர்ப்புக்கு பல தரப்பினரும் ஆதரவு தெரிவித்து வருகின்றனர்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?