பெரும் அதிர்ச்சி.. தாய்லாந்தில் மர்மமான முறையில் உயிரிழந்து கிடந்த 6 சுற்றுலா பயணிகள்!

தாய்லாந்தின் பாங்காக்கில் உள்ள பிரபல கிராண்ட் ஹயாட் எரவான் ஹோட்டலுக்கு வெளிநாட்டு சுற்றுலா பயணிகள் சிலர் வந்து தங்கியுள்ளனர். அவர்கள் வெவ்வேறு அறைகளை வாடகைக்கு எடுத்துள்ளனர். இந்நிலையில் நேற்று 6 பேர் மர்மமான முறையில் இறந்தனர். இதில், விடுதியின் ஒரே அறையில் அவர்களது உடல்கள் கிடத்தப்பட்டுள்ளன. இது போலீசாருக்கு பெரும் சந்தேகத்தை ஏற்படுத்தியுள்ளது. அவர்களில் 2 பேர் அமெரிக்க பாஸ்போர்ட்டை வைத்துள்ளனர். அவர்களில் 3 பேர் பெண்கள். மற்ற 3 பேரும் ஆண்கள். அவர்கள் இறப்பதற்கு முன் எந்த போராட்டமும் நடந்ததற்கான அறிகுறியே இல்லை.

அவர்களின் உடலில் காயங்கள் எதுவும் இல்லை. அவர்களுக்கு வழங்கப்பட்ட உணவும் அப்படியே இருந்தது. இவர்கள் அனைவரும் 37 முதல் 56 வயதுக்கு உட்பட்டவர்கள் என அதிகாரிகள் தெரிவித்தனர். இந்த மர்ம மரணச் சம்பவத்தில் இறந்தவர்களின் உடல்களை ஹோட்டலின் பணிப்பெண் முதலில் பார்த்து போலிசாருக்கு தகவல் தெரிவித்தார். இது குறித்து காவல்துறை அதிகாரி திதி செங்வாங் இன்று கூறும்போது, ​​அவர்கள் தற்கொலை செய்து கொள்ளவில்லை. யாரோ அவர்களைக் கொன்றிருக்கிறார்கள். அந்த நபரை தேடி வருகிறோம் என்றார்.

இதையடுத்து, சம்பவம் நடந்த ஹோட்டலுக்கு பிரதமர் ஷ்ரத்தா தாவி நேரில் சென்று பார்வையிட்டார். அவருடன் உயர் போலீஸ் அதிகாரிகளும் சென்றனர். இந்த விவகாரத்தில் உடனடியாக நடவடிக்கை எடுக்க உத்தரவிட்டார். சுற்றுலாத்துறை பாதிக்கப்படாத வகையில் விரைந்து நடவடிக்கை எடுக்க அனைத்து விசாரணை அமைப்புகளுக்கும் உத்தரவிடப்பட்டுள்ளது. ஹோட்டல் அறையில் பலியானவர்களில் சிலர் வியட்நாமை சேர்ந்தவர்கள் என தெரியவந்துள்ளது. இந்நிலையில், பிரதமர் தவிசின் இன்று கூறும்போது, ​​இந்த விசாரணையில் எப்.பி.ஐ. அதிகாரிகளும் இணைந்துள்ளனர். ஏனெனில் அவர்களில் 2 பேர் அமெரிக்க குடிமக்கள் என கூறியுள்ளனர்.

ஆடி மாதத்தில் சுபகாரியங்களை செய்யலாமா? கூடாதா?!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!