ரீல்சால் விபரீதம்... 300 அடி பள்ளத்தில் விழுந்து உயிரிழந்த இன்ஸ்டா பிரபலம்…!
உலகம் முழுவதும் 6 மாத கைக்குழந்தை தொடங்கி வயதானவர்கள் வரை கைகளில் ஆறாம் விரலாய் செல்போன்களை உபயோகிக்க தொடங்கிவிட்டனர். அதே சமயத்தில் சமூக வலைதளங்களில் படங்கள், லைக்ஸ், ஷேர்ஸ் இவைகளுக்காக பல நேரங்களில் ஆபத்து நிறைந்த புகைப்படங்கள், வீடியோக்களை எடுக்க முயற்சிக்கின்றனர். இவை பல நேரங்களில் பெரும் விபரீதங்களையும், உயிரிழப்புக்களையும் ஏற்படுத்தி விடுகின்றன.
ரீல்ஸ் எடுத்து சமூக வலைதளங்களில் வெளியிட்டு லைக்குகளை பெறுவதற்காக ஆபத்தான இடங்களில் கூட ரீல்ஸ் எடுத்து ஒரு சிலர் உயிரிழந்து வருவது தொடர் கதையாகி வருகிறது. 27 வயதான இன்ஸ்டா பிரபலம் அன்வி காம்தர். இவர் மகாராஷ்டிரா மாநிலம் ராய்காட் பகுதியில் உள்ள கும்பே அருவிக்கு சுற்றுலா சென்ற இடத்தில் ரீல்ஸ் எடுத்துக் கொண்டிருந்தார்.
அப்போது திடீரென்று 300 அடி பள்ளத்தில் தவறி விழுந்து உயிரிழந்தார். அவர் தொடர்ந்து மணி நேரம் போராடி பலத்த காயங்களோடு பள்ளத்திலிருந்து மீட்டுள்ளனர். இருப்பினும் மருத்துவமனைக்கு கொண்டு செல்லும் வழியிலேயே அவர் உயிரிழந்ததாக தகவல்கள் வெளியாகியுள்ளன. அன்வி பல்வேறு இடங்களுக்கு பயணம் மேற்கொண்டு அதை வீடியோவாக பதிவிடுவதை வழக்கமாகக் கொண்டிருந்தார். இவருக்கு இன்ஸ்டாவில் 2 லட்சத்துக்கும் அதிகமான ஃபாலோயர்ஸ் இருந்தனர். இவரது திடீர் மரணத்திற்கு அவரை பின் தொடர்பவர்கள் இரங்கலை பதிவிட்டு வருகின்றனர்.
ஆடி மாதத்தில் சுபகாரியங்களை செய்யலாமா? கூடாதா?!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா