கரூர் கூட்ட நெரிசல்... பாதிக்கப்பட்ட குடும்பங்களை தனிப்பட்ட முறையில் சந்தித்து ஆறுதல் கூறிய விஜய்!

கரூர் கூட்ட நெரிசலில் உயிரிழந்த 37 பேரின் குடும்பங்களைச் சேர்ந்த 235 பேரைத் தனிப்பட்ட முறையில் சந்தித்து, த.வெ.க தலைவர் விஜய் ஆறுதல் கூறியுள்ளார். மாமல்லபுரம் நட்சத்திர விடுதியில் நடைபெற்ற இந்தச் சந்திப்பில், ஒவ்வொரு குடும்பத்தையும் தனித்தனி அறைகளில் விஜய் நேரில் சந்தித்து, அவர்களின் துயரத்தில் பங்கெடுத்து ஆறுதல் அளித்ததாக தகவல்கள் தெரிவிக்கின்றன.

இந்தச் சந்திப்பின் போது, பாதிக்கப்பட்ட குடும்பத்தினர் தங்களின் கோரிக்கைகளை எழுத்து வடிவில் கோப்புகளாகத் தயார் செய்து விஜய்யிடம் வழங்கினர். அவற்றை விஜய் கவனமாகக் கேட்டறிந்து பெற்றுக்கொண்டார் என தெரிவிக்கப்பட்டுள்ளது. இந்தக் கோரிக்கைகள் பெரும்பாலும் நிதி உதவி, வேலைவாய்ப்பு மற்றும் எதிர்கால ஆதரவு தொடர்பானவையாக இருந்ததாக கூறப்படுகிறது.

கரூர் கூட்ட நெரிசல் விபத்தில் உயிரிழந்தோரின் குடும்பங்களுக்கு மன உறுதியையும், நம்பிக்கையையும் அளிக்கும் நோக்கில் இந்தச் சந்திப்பு ஏற்பாடு செய்யப்பட்டது. விஜய்யின் இந்த நடவடிக்கை சமூகப் பொறுப்புணர்வை வெளிப்படுத்துவதோடு, பாதிக்கப்பட்டவர்களின் கோரிக்கைகள் அரசு மற்றும் சம்பந்தப்பட்ட அதிகாரிகளிடம் சேர்வதற்கான ஒரு முக்கியமான முயற்சியாகவும் பார்க்கப்படுகிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!