அம்மாடியோவ்... விமான நிலையத்தில் ரூ.7 கோடி மதிப்பிலான கஞ்சா பறிமுதல்!

தாய்லாந்தில் இருந்து வந்திருந்த இரு இந்தியப் பயணிகள் வைத்துவந்த பெருமளவு கஞ்சாவை சுங்கத்துறை அதிகாரிகள் டெல்லி விமான நிலையத்தில் பறிமுதல் செய்துள்ளனர்.

தாய்லாந்திலிருந்து டெல்லி இந்திரா காந்தி சர்வதேச விமான நிலையத்துக்கு வந்த இரண்டு இந்திய நாட்டு பயணிகள் வழக்கமான சோதனைக்காக எக்ஸ்ரே இயந்திரத்தின் மூலம் பரிசோதிக்கப்பட்டனர். அவர்களின் தனிப்பட்ட உடைமைகள் ஸ்கேன் செய்யப்பட்டபோது சந்தேகங்கள் எழுந்தன. இதையடுத்து அதிகாரிகள் அவர்கள் வைத்திருந்த பார்சல்களைத் திறந்து மேற்பரப்பில் சோதனை மேற்கொண்டனர்.

இந்த சோதனையில், நான்கு பாலிதீன் பைகளுக்குள் பதுக்கி வைக்கப்பட்டிருந்த 7,213 கிராம் கஞ்சா கண்டுபிடிக்கப்பட்டது. பன்னாட்டு சந்தையில் இதன் மதிப்பு சுமார் ரூ.7.21 கோடியாக மதிப்பிடப்பட்டுள்ளது. போதைப் பொருள் கடத்தல் தொடர்பான பிரிவுகளில் சுங்கத்துறை அதிகாரிகள் நடவடிக்கை எடுத்து, அந்த இரு பயணிகளையும் உடனடியாக கைது செய்தனர்.

இச்சம்பவத்தைத் தொடர்ந்து, கஞ்சா எந்த வழிமுறையின் மூலம் இந்தியாவுக்குள் கொண்டு வர முயற்சிக்கப்பட்டது, மேலும் இந்த கடத்தலுக்கு பின்னால் செயல்படும் குழுவின் தொடர்புகள் குறித்து விசாரணை தீவிரமாக நடைபெற்று வருகிறது. அதிகாரிகள் தொடர்ச்சியான சோதனைகளில் எந்தவித தளர்வும் இல்லை என்று தெரிவித்தனர்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?