உலகம் முழுவதும் 4 கோடி மக்கள் எச்.ஐ.வியால் பாதிப்பு.. சிகிச்சை எடுக்காமல் தவிக்கும் 90 லட்சம் மக்கள்!
கடந்த ஆண்டு உலகம் முழுவதும் சுமார் 40 மில்லியன் மக்கள் எச்.ஐ.வியால் பாதிக்கப்பட்டுள்ளதாகவும், அதில் 90 லட்சம் பேர் சிகிச்சை எடுக்காமல் நோயுடன் வாழ்ந்து வருவதாகவும் ஐ.நா. அதிர்ச்சி தகவல் வெளியாகியுள்ளது. இதுகுறித்து ஐ.நா., வெளியிட்டுள்ள அறிக்கையில், "கடந்த ஆண்டில், உலகம் முழுவதும், 4 கோடி பேர், எச்.ஐ.வி, எய்ட்ஸ் நோயால் பாதிக்கப்பட்டுள்ளனர். இந்த நோயால், நிமிடத்திற்கு ஒருவர் உயிரிழக்கிறார். எய்ட்ஸ் நோயை கட்டுப்படுத்த, பல நடவடிக்கைகள் எடுக்கப்பட்டு வரும் நிலையில், மத்திய கிழக்கு மற்றும் வட ஆபிரிக்கா, கிழக்கு ஐரோப்பா மற்றும் மத்திய ஆசியா, லத்தீன் அமெரிக்கா போன்ற நாடுகளில், நிதி பற்றாக்குறை காரணமாக, இந்த நடவடிக்கைகளின் முன்னேற்றம் குறைந்து, புதிய நோய்த்தொற்றுகள் உருவாகி வருவதாக அறிக்கை கூறியுள்ளது.
கடந்த ஆண்டு மட்டும் எய்ட்ஸ் நோயால் 6.3 லட்சம் பேர் உயிரிழந்துள்ளனர். 2004 இல் 21 லட்சம் பேர் இறந்தனர், இது இதுவரை இல்லாத அளவுக்கு. எவ்வாறாயினும், 2025 ஆம் ஆண்டில் இறப்பு எண்ணிக்கை 2.5 லட்சமாக குறையும் என்று கணிக்கப்பட்டுள்ள நிலையில், அவை அதிகரிக்கும் என்று ஐநா எய்ட்ஸ் கட்டுப்பாட்டு அமைப்பு தெரிவித்துள்ளது. உலகெங்கிலும் ஒதுக்கப்பட்ட மற்றும் பாகுபாடு காட்டப்படும் பாலியல் தொழிலாளர்கள், வேற்று பாலினத்தவர்கள் மற்றும் போதைப்பொருள் பாவனையாளர்களின் எண்ணிக்கை கடந்த ஆண்டில் 55% அதிகரித்துள்ளது. 2010ல் இது 45 சதவீதமாக இருந்தது.
UN AIDS Control Executive Director Winnie Byanyima கூறும்போது, “2030-க்குள் பொது சுகாதார அச்சுறுத்தலாக இருக்கும் எய்ட்ஸ் நோயை முடிவுக்கு கொண்டுவர உலகத் தலைவர்கள் உறுதியளித்துள்ளனர். ஆனால், 2023 அறிக்கையின்படி, புதிய தொற்றுகள் கிட்டத்தட்ட மூன்று மடங்காக 13 லட்சமாக உயர்ந்துள்ளன.
எச்.ஐ.வி சிகிச்சை முன்பை விட மேம்பட்டுள்ளதாகவும், ஒரு ஊசி மூலம் 6 மாதங்கள் வரை நோயைக் கட்டுக்குள் வைத்திருக்க முடியும் என்றும், ஆனால் இரண்டு ஊசிகளின் ஆண்டு செலவு இந்திய மதிப்பில் ரூ. 33 லட்சம் வரை அதிகமாக இருக்கும் என்றும் ஐ.நா. எய்ட்ஸ் கட்டுப்பாட்டு அமைப்பின் இயக்குனர் சீசர் நுனேஸ் தெரிவித்தார். குறைந்த வருமானம் உள்ள நாடுகளில் உள்ள செல்வந்தர்கள் மட்டுமே பயன்படுத்தும் இந்த மருந்துகளை பாதிக்கப்பட்ட மக்கள் பயன்படுத்த ஏற்பாடு செய்யப்படும் என்றும் அவர் தெரிவித்தார்.
ஆடி மாதத்தில் சுபகாரியங்களை செய்யலாமா? கூடாதா?!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா