நிஃபா வைரசுக்கு ஆன்லைனில் சிகிச்சை !!

தமிழகத்தின் அண்டை மாநிலமாம் கேரளா கோழிக்கோடு மாவட்டத்தில் நிபா வைரஸ் பாதிப்பு ஜெட் வேகத்தில் பரவி வருகிறது. அங்கு  இதுவரை,  6 பேருக்கு பாதிப்பு உறுதியாகி  அதில், இருவர் உயிரிழந்தனர். வைரஸ் பரவலை தடுக்கவும், பாதிக்கப்படுவோருக்கு உரிய சிகிச்சை அளிக்கவும் மாநில அரசு பல்வேறு தடுப்பு முறைகளையும் , முன்னெச்சரிக்கை நடவடிக்கைகளையும் மேற்கொண்டு  வருகிறது.

மருத்துவமனைகளில் நிஃபா வைரஸ் அறிகுறிகளுடன் அனுமதிகப்படுபவர்களின் எண்ணிக்கை அதிகரித்து வருகிறது. இந்நிலையில் 'இ - சஞ்சீவினி' எனப்படும் தொலைபேசி  மூலம் சிகிச்சை பெறும் திட்டத்தின் கீழ், நிபாவுக்கான ஆன்லைன் புறநோயாளிகள் பிரிவு தொடங்கப்பட்டுள்ளது.   காலை 8 மணி முதல்   மாலை 5 மணி வரை, ஆன்லைன் மூலம்  சிகிச்சை பெறலாம் எனத் தெரிவிக்கப்பட்டுள்ளது.   இதன் மூலம் பாதிக்கப்பட்டவர்கள் மருத்துவமனைக்கு செல்லாமலேயே மருத்துவர்களின்    ஆலோசனையை பெற முடியும். மேலும் நிபா வைரஸ் தொடர்பான அனைத்து விதமான சந்தேகங்களுக்கும் விளக்கம் பெற முடியும்.

இந்நிலையில், கடந்த  2 நாட்களாக புதிய பாதிப்பு ஏதும் பதிவாகவில்லை. நேற்று முன்தினம், 42 பேருக்கு செய்யப்பட்ட பரிசோதனையில், அவர்களில் ஒருவருக்கு கூட நிஃபா வைரஸ்  பாதிப்பு இல்லை என முடிவுகள் வெளியாகியுள்ளன.  இது குறித்து மாநில சுகாதார அமைச்சர் வீணா ஜார்ஜ் ” கோழிக்கோட்டில் கடந்த   2 நாட்களாக புதிய பாதிப்புகள் ஏதும் பதிவாகவில்லை. நடைமுறைகளின்படி, கடைசியாக பாதிப்பு உறுதி செய்யப்பட்ட தினத்தில் இருந்து, 42 நாட்கள் வரை தொடர் கண்காணிப்பு பணிகள் மேற்கொள்ளப்பட்டு வருகின்றன “ எனக் கூறியுள்ளார். 

இதையும் பிடிச்சிருந்தா படிச்சு பாருங்க

புரட்டாசி மாத மகிமைகள் , வழிபாடு, பலன்கள்!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசி மாசம் ஏன் அசைவம் சாப்பிடக் கூடாது?! அறிவியல் காரணம்...

பள்ளத்தில் தவறி விழுந்த யானை !! வைரலாகும் வீடியோ!!

வீடியோ! குளிக்கச் சென்றவரை உயிரோடு முழுங்கிய முதலை