பகீர்... இந்தியாவில் 50% மக்களுக்கு மட்டுமே 3 வேளை உணவு... அதிர்ச்சி தரும் ஆய்வு முடிவுகள்!

 
 
இந்தியாவில் வறுமைக்கோடு சம்பந்தமாக நடத்தப்பட்ட ஆய்வு முடிவுகள் வெளியாகி பெரும் அதிர்ச்சியை ஏற்படுத்தியுள்ளன. இந்த முடிவுகளின் படி  இந்தியாவில் வாழும் மக்களில் 50%  பேருக்கு   மட்டுமே 3 வேளையும் உணவு கிடைக்கிறது. மாநில அளவில் தமிழ்நாடு, கேரளாவில் 98 விழுக்காட்டினருக்கு 3 வேளையும் உணவு கிடைக்கும் இடமாக அறியப்படுகிறது. இந்நிலையில், குஜராத், ராஜஸ்தானில் வெறும் 31 விழுக்காட்டினருக்கு மட்டுமே 3 வேளையும் உணவு கிடைப்பதாக பகீர் தகவல் வெளியாகியுள்ளது. இந்தியாவின் மொத்த மக்கள் தொகை 140 கோடி .

மத்திய அரசு இந்தியாவில் பல கோடி பேர் வறுமைக்கோட்டில் இருந்து மீண்டு விட்டதாக கூறிவருகிறது. ஆனால்  நாட்டில் கிட்டத்தட்ட சரிபாதி மக்களுக்கு 3 வேளையும் உணவு கூட கிடைக்காத நிலை நீடித்து வருவதாக தெரிவிக்கப்பட்டுள்ளது.  இந்நிலையில் ஏழைகள், நடுத்தர வர்க்கத்தினர், பெரும் பணக்காரர்கள் என அனைத்து தரப்பு மக்களிடமும் நடத்தப்பட்ட ஆய்வில் நாட்டில் 44% மக்களுக்கு 3 வேளையும் உணவு கிடைக்காத அதிர்ச்சி தகவல் தெரிய வந்துள்ளது.  மாநில அளவில்  நாடு முழுவதும் 21 மிக முக்கியமான மாநிலங்களில் இந்த ஆய்வு நடத்தப்பட்டது.  ஆய்வு முடிவில் நாட்டிலேயே தமிழ்நாடு, கேரளா   மாநிலங்களில் மட்டுமே ஏழைகள், நடுத்தர குடும்பம், பணக்காரர்கள் என அனைத்து தரப்பிலும் 98 விழுக்காட்டினருக்கு 3 வேளையும் உணவு கிடைக்கிறது.

பிரதமர் மோடியின் சொந்த மாநிலமான குஜராத் கடைசி இடத்தில் உள்ளது. இதேபோல் பாஜக ஆட்சி நடைபெறும் உத்திரப்பிரேதேசம், மத்தியப் பிரதேசம், மகாராஷ்டிரா ,  ராஜஸ்தான் ஆகிய மாநிலங்களும் கடைசி 5 இடத்தில் உள்ளன.  விளிம்பு நிலையில் உள்ள மிக ஏழ்மையான குடும்பங்களை பொறுத்தவரை தமிழ்நாட்டில் 97%, கேரளாவில் 98% பேருக்கு 3 வேளையும் உணவு கிடக்கிறது. ஆனால் உத்திரப்பிரதேசத்தில் 41%, மத்தியப் பிரதேசத்தில் 39%, மராட்டியம் 34%, ராஜஸ்தானில் 34%, குஜராத்தில் 33% ஏழைகளுக்கு மட்டுமே 3 வேளை உணவு கிடைக்கிறது. பல்வேறு துறைகளில் இந்தியாவுக்கே முன்மாதிரியாக திகழும் தமிழ்நாட்டை பொறுத்தவரை  உணவு பாதுகாப்புத் துறையிலும் முன்னணியில் இருப்பது ஆய்வு முடிவில் உறுதி செய்யப்பட்டு இருப்பது குறிப்பிடத்தக்கது.  

ஆடி மாதத்தில் சுபகாரியங்களை செய்யலாமா? கூடாதா?!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!