பிரபுதேவா–வடிவேலு கூட்டணியில் புதிய படம்... ரசிகர்கள் எதிர்பார்ப்பு!

நடனக் கலைஞர், நடிகர் மற்றும் இயக்குநராக பல்வேறு துறைகளில் திகழும் பிரபுதேவா, நகைச்சுவை நடிகர் வடிவேலுவுடன் இணைந்து புதிய திரைப்படத்தில் நடிக்கிறார். இந்த புதிய படம் குறித்து வெளியான அறிவிப்பு ரசிகர்களிடையே பெரும் எதிர்பார்ப்பை உருவாக்கியுள்ளது.

இந்த படத்தை *‘டார்லிங்’, ‘100’, ‘எனக்கு இன்னொரு பெயர் இருக்கு’* போன்ற படங்களை இயக்கிய சாம் ஆண்டன் இயக்குகிறார். இசையமைப்பாளராக யுவன் சங்கர் ராஜா பணியாற்றுகிறார்.

பிரபுதேவா–வடிவேலு கூட்டணி இதற்கு முன்பு *‘காதலன்’, ‘எங்கள் அண்ணா’, ‘மனதை திருடிவிட்டாய்’, ‘மிஸ்டர் ரோமியோ’* போன்ற படங்களில் இணைந்து ரசிகர்களை கவர்ந்திருந்தனர். மேலும், பிரபுதேவா இயக்கிய *‘போக்கிரி’* மற்றும் *‘வில்லு’* படங்களிலும் வடிவேலு நகைச்சுவை வேடத்தில் பிரபலமானார் என்பது குறிப்பிடத்தக்கது.

இந்நிலையில், இவர்கள் இணைந்த புதிய படத்தின் ஹாலோவீன் ஸ்பெஷல் போஸ்டர் நேற்று வெளியிடப்பட்டது. அந்த போஸ்டர் சமூக வலைதளங்களில் வைரலாகி ரசிகர்களிடையே எதிர்பார்ப்பை மேலும் தூண்டியுள்ளது.

படத்தின் தலைப்பு மற்றும் வெளியீட்டு தேதி இன்னும் அறிவிக்கப்படவில்லை. விரைவில் அதிகாரப்பூர்வ அறிவிப்பு வெளியாகும் என படக்குழுவினர் தெரிவித்துள்ளனர்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?