அன்புமணியை மத்திய அமைச்சராக்கியது என் தவறு... ராமதாஸ் கதறல்!

 
பாட்டாளி மக்கள் கட்சியின் நிறுவனர் டாக்டர் ராமதாஸ், தனது மகன் அன்புமணி ராமதாஸை மத்திய அமைச்சராகவும் கட்சித் தலைவராகவும் நியமித்தது தனது அரசியல் வாழ்க்கையின் மிகப்பெரிய தவறு என வெளிப்படையாக ஒப்புக்கொண்டார். தைலாபுரத்தில் உள்ள இல்லத்தில் செய்தியாளர்களிடம் பேசிய அவர், “என் அரசியல் வாழ்வில் முதல் தவறு அன்புமணியை மத்திய அமைச்சராக்கியது; இரண்டாவது தவறு பாமக தலைவராக்கியது” என்று தெரிவித்தார்.

அன்புமணியின் பேச்சும் செயல்பாடும் கட்சியில் பிளவை ஏற்படுத்தியுள்ளதாக ராமதாஸ் குற்றம் சாட்டினார். “அன்புமணி தலைமையில் ஒரு கும்பல் செயல்பட்டு வருகிறது. அவரது பேச்சு, செயல் அருவருக்கத்தக்கது” என்றும் அவர் விமர்சித்தார். மேலும், “அன்புமணி கும்பல் பற்றி பேசினால், வளர்ப்பு சரியில்லை என்று சொல்வீர்கள்” என நையாண்டியாக கூறியதன் மூலம் தந்தை–மகன் இடையிலான உறவில் ஆழமான விரிசல் இருப்பது வெளிச்சத்துக்கு வந்துள்ளது.

பாமகவில் பிளவு ஏற்பட்டிருப்பதை ராமதாஸ் மறுக்கவில்லை. “பாமக அமைதியாக இயங்கிக் கொண்டிருந்தபோதும், பிளவு ஏற்பட்டதாக பேசப்படுகிறது” என்று அவர் கூறினார். கட்சியின் 5 எம்எல்ஏக்களில் 2 பேர் தன்னுடன் இருப்பதாகவும், தனது போராட்டங்கள் அனைத்தும் அமைதியானவை என்றும் அவர் வலியுறுத்தினார். அன்புமணியை நோக்கிய இந்த கடும் விமர்சனங்கள், பாமக அரசியல் எதிர்காலம் குறித்த கேள்விகளை எழுப்பியுள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!