மாஸ் வீடியோ... ரோஹித் , விராட் கோஹ்லி சென்னை வருகை!

 By Swetha Krishnan Sep 13, 2024, 11:07 IST
விராட், ரோஹித்
 


 
இந்தியாவில் சுற்றுப்பயணம் மேற்கொண்டு வங்கதேச அணி கிரிக்கெட் போட்டிகளில் விளையாட உள்ளது. அந்த வகையில்  செப்டம்பர்19 ம் தேதி தொடங்க இருக்கும் இந்த போட்டித் தொடரில் 2 டெஸ்ட் போட்டிகள் மற்றும் 3 டி20 போட்டிகளில் விளையாட இருக்கிறது. இதில் முதலாவதாக  செப்டம்பர் 19 ம் தேதி டெஸ்ட் தொடரின் முதல் போட்டியானது தொடங்கவுள்ளது.

இந்த முதல் டெஸ்ட் போட்டி சென்னையில் உள்ள சேப்பாக்கம் மைதானத்தில் நடைபெறுகிறது . இந்த தொடர் தொடங்குவதற்கு இன்னும் 6 நாட்கள் இருந்து வரும் நிலையில்  இந்திய அணியின் கேப்டனான ரோஹித் ஷர்மாவும், நட்சத்திர பேட்ஸ்மேன் விராட் கோலியும் சென்னை வந்து சேர்ந்துள்ளனர்.  


இருவரும் கடைசியாக டி20 உலகக்கோப்பையில் விளையாடினர்.  டி20 கோப்பையை வென்ற பிறகு டி20 போட்டிகளிலிருந்து ஓய்வு பெறுவதாக அடுத்தடுத்து அறிவித்தனர். அதனை தொடர்ந்து இருவருக்கும் துலிப் ட்ராபியிலும் பிசிசிஐ விடுப்பு அறிவித்திருந்தது.
கிரிக்கெட்  ரசிகர்கள் இருவரும் எப்போது மீண்டும் கிரிக்கெட் மைதானத்தில் பாப்போம் என ஆவலாக இருந்தனர். இந்நிலையில் தான் விடுப்பு முடிந்து வங்கதேச அணிக்கு எதிரான டெஸ்ட் போட்டியில் விளையாட  சென்னை விமான நிலையம் வந்தடைந்தனர்.


இருவரும் இந்த டெஸ்ட் போட்டிகளை தொடங்குவதற்கு முன்  தேவையான இடைவெளி  கிடைத்துள்ளது. தற்போது இருவரும் ஹோட்டலில் தங்கியுள்ளனர். முதல் டெஸ்ட் போட்டிகள் தொடங்கவுதற்கு முன் இந்திய அணியின் கேம்பில் இணைவார்கள் என எதிர்பார்க்கப்படுகிறது. 
அடுத்த ஆண்டு நடைபெற போகும் உலக டெஸ்ட் சாம்பியன்ஷிப்  இறுதி போட்டியில் விளையாடுவதற்கு இந்தியா முதலிடத்தை பிடித்து வைத்து கொள்ள உதவுவதற்கு, வங்கதேச அணியுடனான இந்த டெஸ்ட் தொடர் மிகவும் முக்கியமானது.  

இதையும் பிடிச்சிருந்தா படிச்சு பாருங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பகீர்! கல்லூரி மாணவியைக் கடத்தி பாலியல் வன்கொடுமை!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வீடியோ! குளிக்கச் சென்றவரை உயிரோடு முழுங்கிய முதலை