ஏழு மாத கர்ப்பிணியாக பளுதூக்குதல் போட்டியில் வெற்றி... பெண் கான்ஸ்டபிள் சாதனை!

ஆந்திரப் பிரதேசத்தில் அக்டோபர் மாதம் நடந்த அகில இந்திய காவல் பளுதூக்குதல் போட்டியில், டெல்லியைச் சேர்ந்த 31 வயது போலீஸ் வீராங்கனை சோனிகா யாதவ் 145 கிலோ எடையை தூக்கி வெண்கலப் பதக்கம் வென்றுள்ளார். போட்டியில் பங்கேற்றபோது இவர் ஏழு மாத கர்ப்பிணி என்பது தெரிய வந்ததும், இந்த சாதனை சமூக வலைதளங்களில் பெரும் விவாதமாக மாறியது.

சோனிகாவின் பயணத்தில் பல சவால்கள் உள்ளன. 2014ஆம் ஆண்டு டெல்லி பொலிஸ் துறையில் பணியைத் தொடங்கிய அவர், 2016ல் திருமணம் செய்து கொண்டார். 2017ல் முதல் குழந்தை பிறந்ததைத் தொடர்ந்து சில காலம் பணியிலிருந்து விலகி இருந்தார். பின்னர் 2019ல் கபடி வீராங்கனையாக விளையாட்டு துறையில் மீண்டும் ஈடுபட்டார். உடற்பயிற்சி மையத்தில் பயிற்சி மேற்கொண்டபோது பளுதூக்குதலின் மீது உருவான ஆர்வம், அவரை போட்டித் தளத்துக்கே இட்டுச்சென்றது. தொடர்ந்து பயிற்சி மேற்கொண்டு 2023ல் டெல்லி மாநில பவர்லிஃப்டிங் சாம்பியன் பட்டத்தை தங்கப் பதக்கத்துடன் வென்றார்.

இந்நிலையில், 2025ல் நடைபெற இருந்த அகில இந்திய காவல் பளுதூக்குதல் போட்டிக்கான தயார் தீவிரமடைந்திருந்தது. ஆனால் கடந்த மே மாதத்தில்தான் கர்ப்பமாக இருப்பது அவருக்குத் தெரியவந்தது. குடும்பத்தினரின் எதிர்ப்பு இருந்தபோதிலும் போட்டியில் பங்கேற்பது குறித்து தனது முடிவில் சோனிகா உறுதியாக இருந்தார். கர்ப்பகாலத்தில் விளையாட்டு போட்டிகளில் சாதனை படைத்தவர்களைப் பற்றி தேடியபோது சர்வதேச வீராங்கனை லூசி மார்ட்டின்ஸின் அனுபவம் அவருக்கு ஊக்கமளித்தது. மருத்துவர்களின் ஆலோசனையை பின்பற்றி பயிற்சியை மாற்றியமைத்த அவர், போட்டிக்கு முழுமையாகத் தயாரானார்.

போட்டித் தளத்தில் தனது கனவுகளை நினைவாக்கிய சோனிகா, 145 கிலோ எடையை வெற்றிகரமாகத் தூக்கி வெண்கலப் பதக்கத்தையும், பெரும் பாராட்டும் பெற்றார். *“கர்ப்பமாக இருப்பதே ஒரு பெண்ணின் சாதனைகளுக்குத் தடையாக இருக்க வேண்டும் என்ற பொருளல்ல; உறுதியும் நம்பிக்கையும் இருந்தால் எதை வேண்டுமானாலும் அடைய முடியும்”* என்பதைக் தனது செயலால் நிரூபித்துள்ளார்.

மருத்துவ ஆலோசனையுடன் கர்ப்ப காலத்தில் பெண்கள் தகுந்த உடற்பயிற்சிகளை மேற்கொண்டால் உடல்நலனுக்கு பல நன்மைகள் ஏற்படும், கர்ப்ப கால நீரிழிவு உள்ளிட்ட சிக்கல்கள் குறையும் என்று அமெரிக்க மகப்பேறு மருத்துவர்கள் கல்லூரி (ACOG) வல்லுநர்கள் பரிந்துரைத்துள்ளனர்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?