முதல் படத்திலேயே தேசிய விருது... ஒளியையும், திரைக்கதையையும் வென்ற மாஸ்டர்... இயக்குநர் கே.வி.ஆனந்த் பிறந்தநாள்!

இன்று தமிழ் திரையுலகில் ஒளிப்பதிவிலும் இயக்கத்திலும் புதுமைகளை விதைத்த பன்முக கலைஞர் கே.வி.ஆனந்த் பிறந்தநாள். 

1966ம் ஆண்டு அக்டோபர் 30ம் தேதி பூங்கா நகரில் பிறந்த அவர், சிறுவயதில் இருந்து விவசாயம் மற்றும் புகைப்படக் கலை மீது ஆர்வம் கொண்டவர். வேளாண் பல்கலைக்கழகத்தில் இடம் கிடைக்காததால், சென்னை டி.ஜி.வைஷ்ணவா கல்லூரியில் இயற்பியல், பின்னர் லயோலாவில் முதுகலை பட்டம் பெற்றார். பத்திரிகை புகைப்படக் கலைஞராக பணியாற்றிய காலத்தில் ‘நாயகன்’ திரைப்படம் அவரது வாழ்க்கையை மாற்றியமைத்தது.

ஒளிப்பதிவாளர் பி.சி.ஸ்ரீராமின் பாணியில் மயங்கிய கே.வி.ஆனந்த், அவரிடம் உதவி ஒளிப்பதிவாளராக இணைந்து ‘அமரன்’, ‘தேவர்மகன்’ போன்ற படங்களில் பணியாற்றினார். பின்னர் 1991ம் ஆண்டு ’தென்மாவின் கொம்பத்து’ படத்தில் ஒளிப்பதிவாளராக அறிமுகமான அவர், முதல் படத்திலேயே தேசிய விருது வென்று பாராட்டைப் பெற்றார்.

மலையாளம், தெலுங்கு படங்களில் சாதித்து, தமிழில் ‘காதல் தேசம்’ மூலம் பிரமாண்டமான காட்சிப் பாணியைக் காட்டினார். ‘நேருக்கு நேர்’, ‘முதல்வன்’, ‘பாய்ஸ்’, ‘சிவாஜி’ உள்ளிட்ட பல பிரபல படங்களில் ஷங்கருடன் இணைந்து ஒளிப்பதிவில் மெருகேற்றினார்.

2005ம் ஆண்டு ‘கனா கண்டேன்’ மூலம் இயக்குநராக மாறிய கே.வி.ஆனந்த், ‘அயன்’, ‘கோ’, ‘மாற்றான்’, ‘அனேகன்’, ‘காப்பான்’ உள்ளிட்ட பல படங்களில் சமூகப் பிரச்சனைகளை சுவாரஸ்யமான திரைக்கதையுடன் இணைத்து ரசிகர்களை கவர்ந்தார்.

‘அயன்’ படம் தமிழ் சினிமாவில் ஒரு ஹாலிவுட் தரத்தைக் காட்டியதாக ரசிகர்கள் பெருமிதப்பட்டனர். அவரது படங்களில் கதை திருப்பங்கள், சாகசம், உணர்ச்சி ஆகியவை ஒன்றாக கலந்து காணப்பட்டன. எழுத்தாளர் சுபாவுடன் இணைந்து பல திரைக்கதைகளில் மாபெரும் வெற்றியைப் பெற்றார்.

2021 ஏப்ரல் 30ம் தேதி கொரோனா தொற்றால் ஏற்பட்ட மாரடைப்பில் உயிரிழந்த இயக்குநர் கே.வி.ஆனந்த், தனது புதுமைச் சிந்தனைகளால் சினிமா ரசிகர்களின் மனதில் இன்றும் நிலைத்து நிற்கிறார்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?