பகீர் வீடியோ... வீட்டிற்குள் புகுந்து கண்ணெதிரே மிதித்துக் கொன்ற மக்னா யானை!

கேரள மாநிலம், வயநாட்டில் மக்னா யானை, வீட்டின் சுவற்றை இடித்து தள்ளியபடி, வீட்டின் கதவை உடைத்து உள்ளே உயிருக்கு பயந்தபடி பதுங்கிய ஒருவரை மிதித்து கொன்றது பெரும் பரபரப்பையும், அதிர்ச்சியையும் ஏற்படுத்தியுள்ளது.கேரள மாநிலம் வயநாடு பகுதியில் கடந்த சில நாட்களாக காட்டு யானைகள், புலிகள், சிறுத்தைகள் உள்ளிட்ட வன விலங்குகளின் நடமாட்டம் அதிகரித்துள்ளது. கடந்த சில நாட்களுக்கு முன்பு கர்நாடக மாநிலம் ஹாசன் மாவட்டத்தில் உள்ள குடியிருப்பு பகுதிகளின் அருகே சுற்றி திரிந்ததால், மக்னா யானை ஒன்று மயக்க ஊசி செலுத்தி பிடிக்கப்பட்டது. இதையடுத்து யானைக்கு ரேடியோ காலர் பொருத்திய வனத்துறை அதிகாரிகள், அதனை மீண்டும் பந்திப்பூர் வனப்பகுதியில் விடுவித்தனர். தொடர்ந்து அதன் நடமாட்டத்தைக் கண்காணித்து வருகின்றனர்.

கேரள மாநிலம் வயநாட்டில் சாலையில் உலா வந்த மக்னா யானை, வீட்டின் கதவை உடைத்துக்கொண்டு உள்ளே புகுந்து அஜி என்பவரை மிதித்துக்கொன்ற அதிர்ச்சி வீடியோ. #KamadenuTamil #ElephantAttack #Wayanad #Viralvideo #MakhnaElephant pic.twitter.com/UdkQFSTWAt

— Kamadenu (@KamadenuTamil) February 10, 2024

கடந்த நான்கு நாட்களுக்கும் மேலாக கர்நாடகாவில் இருந்து கேரளாவின் வயநாடு பகுதிக்கு வந்த இந்த யானை, அங்கு சுற்றித்திரிந்து வந்தது. இதையடுத்து கேரள மாநில வனத்துறையினர் இதை யானையை கண்காணித்து வந்தனர். இந்நிலையில் இன்று காலை வயநாடு பகுதியில் உள்ள மணந்தவாடி மாநகராட்சி பகுதியில் இந்த யானை சுற்றித் திரிந்தது. யானையின் நடமாட்டத்தைக் கண்ட பொதுமக்கள், அங்கிருந்து திசைக்கொருவராய் தப்பி ஓடினர்.
அப்போது 42 வயது டிராக்டர் ஓட்டுநரான அஜி பணஞ்சியில் என்பவர் உட்பட 10-க்கும் மேற்பட்டோர், யானை எதிரில் வருவதை கண்டு, அதிர்ச்சியில் அருகில் இருந்த வீட்டின் காம்பவுண்ட் சுவரை ஏறி உள்ளே குதித்து தப்பிக்க முயன்றனர்.

ஆனால், வீட்டின் கேட்டை உடைத்துக் கொண்டு வீட்டிற்குள் புகுந்த யானை, அஜியை கடுமையாக தாக்கியது. இதில் படுகாயம் அடைந்த அஜி சம்பவ இடத்திலேயே உயிரிழந்தார். இது தொடர்பான வீடியோ காட்சிகள் வெளியாகி பெரும் பரபரப்பை ஏற்படுத்தியுள்ளது.
இதனிடையே இதே மக்னா யானை, அதே பகுதியில் உள்ள வீடு ஒன்றையும் இடித்து சேதப்படுத்தியது. இதையடுத்து அந்த பகுதி முழுவதும் 144 தடை உத்தரவு பிறப்பிக்கப்பட்டு, வனத்துறையினர் தீவிர கண்காணிப்பை மேற்கொண்டு வருகின்றனர்.

தை மாத ராசிபலன்கள்... யார் யாருக்கு ஏற்றம் தரும்... இந்த மாதத்தில் பரிகார வழிபாடு எது?

தை மாத சிறப்புக்கள், வழிபாடு, பலன்கள்....!

தை வெள்ளிக்கிழமை... மறந்தும் இதை மட்டும் செய்துடாதீங்க!

தை பொறந்தாச்சு... இந்த 6 ராசிக்காரங்களுக்கு அதிர்ஷ்டம் அலைமோதும்... மிஸ் பண்ணாதீங்க