அட கொடுமையே... சேட்டன்களின் மூளையை உலகமே வியக்குது... பிணங்களை விற்று ரூ3.66 கோடி வருமானம் பார்த்த கேரள அரசு!
2008 ஆம் ஆண்டு முதல், கேரள மாநிலத்தில் உள்ள அரசு மருத்துவமனைகளின் பிணவறைகளில் உரிமை கோரப்படாத இறந்த உடல்களை மாநில அரசு விற்பனை செய்து வருகிறது. அந்த வகையில் கேரள அரசு மொத்தம் 1,122 சடலங்களை தனியார் மருத்துவக் கல்லூரிகளுக்கு வழங்கியுள்ளது. மருத்துவ மாணவர்களுக்கு நேரடிப் பயிற்சி அளித்து தனியார் மருத்துவக் கல்லூரிகளுக்கு மாதிரிகளை வழங்கி வருவதாகத் தெரிவிக்கப்படுகிறது.
கடந்த 16 ஆண்டுகளில் எர்ணாகுளம் அரசு மருத்துவமனையில் மட்டும் அதிகபட்சமாக 599 பேர் இறந்துள்ளனர். இதற்கு அடுத்தபடியாக பரியாரம் மருத்துவக் கல்லூரி (166), திருச்சூர் மருத்துவக் கல்லூரி (157), கோழிக்கோடு மருத்துவக் கல்லூரி மருத்துவமனை (99) ஆகிய இடங்களில் உடல்கள் வழங்கப்பட்டுள்ளன. இதில், கேரள அரசு பதப்படுத்தப்பட்ட சடலம் ஒன்றுக்கு 40,000 ரூபாய்க்கும், பதப்படுத்தப்படாத சடலம் ஒன்றுக்கு 20,000 ரூபாய்க்கும் விற்பனை செய்துள்ளது. கேரள அரசுக்கு மொத்தம் ரூ.3.66 கோடி வருவாய் கிடைத்துள்ளதாக தகவல் வெளியாகியுள்ளது.
2000-களின் முற்பகுதியில்தான் கேரள மாநிலத்தில் தனியார் மருத்துவக் கல்லூரிகள் செயல்படத் தொடங்கின. அந்த ஆண்டில், தனியார் மருத்துவக் கல்லூரிகள் வாரிசுகள் இல்லாமல் இறந்த உடல்களை கல்வி நோக்கங்களுக்காக வாங்க அனுமதிக்கும் சிறப்பு ஏற்பாடு அறிமுகப்படுத்தப்பட்டது.
இப்போது தனியார் மருத்துவக் கல்லூரிகளின் எண்ணிக்கை அதிகரித்துள்ளதால், ஆராய்ச்சி நோக்கங்களுக்காக அதிக சடலங்கள் தேவைப்படுகின்றன. அதாவது, 60 மாணவர்கள் படிக்கும் மருத்துவக் கல்லூரியில், ஆராய்ச்சிக்கு 5 சடலங்கள் தேவை. அதன்படி, மருத்துவக் கல்லூரியில் சேரும் 12 மாணவர்களுக்கு 1 சடலம் தேவை.
இருப்பினும், 2008 ஆம் ஆண்டு இறந்த உடல்களை விற்க அனுமதிக்கும் அரசாணைக்கு முன்பு, தனியார் மருத்துவக் கல்லூரிகள் எப்படி சடலங்களை வாங்கி மாணவர்களுக்காக ஆய்வு செய்தன என்பது மர்மமாகவே உள்ளது. இது தொடர்பாக, கேரள உயர் நீதிமன்றத்தில் நீண்ட காலமாக நிலுவையில் உள்ள வழக்கில், ராஜ்யசபாவில் நடந்த விவாதங்களுக்கு பின், மேற்கண்ட உத்தரவு பிறப்பிக்கப்பட்டது குறிப்பிடத்தக்கது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
மாசி மாதத்துல இத்தனை விசேஷமா... இந்த நட்சத்திர தினங்களை மிஸ் பண்ணாதீங்க!