ஜேசன் சஞ்சய் படத்தில் துல்கர் சல்மான்... எகிறும் எதிர்பார்ப்பு!

 By Sujatha Feb 21, 2024, 12:37 IST
துல்கர்

தமிழ் திரையுலகில் இளையதளபதியாக கொண்டாடப்படும் நடிகர் விஜய் மகன் ஜேசன் சஞ்சய் விரைவில் இயக்குநராக அறிமுகமாக இருப்பதாக ஏற்கனவே தகவல்கள் வெளியாகியுள்ளன.  இந்த படம் லைகா தயாரிப்பில் உருவாக இருப்பதாகவும் அதற்கான ஒப்பந்தம் போடப்பட்டதாகவும் தெரிவிக்கப்பட்டது. இதுவரை அந்த படத்தின் பெயர், ஹீரோ , நடிக்கும் மற்ற நடிகர், நடிகைகள் குறித்த அறிவிப்பு வெளியிடப்படாமல்  இருந்து வந்தது.  இந்நிலையில் தற்போது ஜேசன் சஞ்சய் படத்தில் துல்கர் சல்மான் ஹீரோவாக நடிக்க இருப்பதாக கூறப்படுகிறது.   விரைவில் நடிகர் விஜய் சினிமாவில் இருந்து விலகி அரசியலில் அடியெடுத்து வைக்க உள்ளார். இந்நிலையில்   அவரது மகன் சஞ்சய் திரையுலகில் அறிமுகவாவது பெரும் எதிர்பார்ப்பை ஏற்படுத்தியுள்ளது.  


 


அப்பாவின் இடத்தை நிரப்ப ஹீரோவாக வருவார் என ரசிகர்கள் எதிர்பார்த்த நேரத்தில் இயக்குநர்  அவதாரத்தில் சஞ்சய் பிடிவாதமாக இருப்பதாக கூறப்படுகிறது. அவரை ஏற்கனவே   சுதா கொங்கரா, அல்போன்ஸ் புத்திரன் போன்ற  லெஜண்ட் இயக்குநர்கள் கேட்டும் அவர்களது படங்களில் ஹீரோவாக நடிக்க நோ சொல்லிவிட்டார்.  சினிமா மேக்கிங், டைரக்‌ஷன் பற்றி  சஞ்சய் லண்டனில் தனியாக கோர்ஸ் படித்துள்ளார். இதுவரை  யாரிடமும் உதவி இயக்குநராக வேலை பார்க்காமல் நேரடியாக என்ட்ரி கொடுக்க உள்ளார். அதன்படி ஜேசன் சஞ்சய்யின் இயக்குநர் ஆசைக்கு லைகா நிறுவனம் க்ரீன் சிக்னல் கொடுத்த பெரிய பட்ஜெட்டையும் ஒதுக்கிவிட்டது.  லைகா சுபாஸ்கரனும் விஜய்யின் மனைவி சங்கீதாவும் இலங்கையிலேயே நண்பர்கள் என்ற அடிப்படையில்  ஜேசன் சஞ்சய்க்கு முதல் பட வாய்ப்பு எளிதாக கிடைத்து விட்டதாக சினிமா விமர்சகர்கள் கூறுகின்றனர்.    

ஜேசன் சஞ்சய்

இந்நிலையில் தற்போதைய நிலவரப்படி ஜேசன் சஞ்சய் இயக்கும் முதல் படத்தின் ஹீரோவாக பிரபல மலையாள நடிகர் துல்கர் சல்மான் கமிட்டாகி இருப்பதாக  தகவல் வெளியாகியுள்ளது. துல்கர் சல்மான் மலையாளம், தெலுங்கு, இந்தி என பான் இந்தியா மொழிகளில்  முண்ணனி ஹீரோவாக நடித்து வருகிறார்  . கமல் - மணிரத்னம் கூட்டணியில் உருவாகும் தக் லைஃப், சூர்யாவின் 43வது படம் என தமிழில் ஏற்கனவே இரண்டு பெரிய ப்ராஜெக்ட்களில் கமிட்டாகி இருக்கும்  துல்கர்   தற்போது ஜேசன் சஞ்சய் இயக்கும் படத்திலும்   ஹீரோவாக நடிக்க இருக்கிறார்.  இந்தப் படத்தின் ஷூட்டிங் ஏப்ரல் அல்லது மே மாதம் தொடங்கலாம் எனத் தகவல்கள் வெளியாகியுள்ளன.  

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

மாசி மாதத்துல இத்தனை விசேஷமா... இந்த நட்சத்திர தினங்களை மிஸ் பண்ணாதீங்க!

திடீர் ராஜ யோகத்தால் பணமழை கொட்ட போகும் 6 ராசிக்காரர்கள்

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

From around the web