அக்டோபர் 20ம் தேதி தீபாவளிக்கு திருப்பதி ஏழுமலையான் கோவிலில் ஆர்ஜித சேவைகள் ரத்து!

அக்டோபர் 20ம் தேதி, தீபாவளி விழாவை முன்னிட்டு, திருப்பதி ஸ்ரீ வெங்கடேஸ்வரா சுவாமி கோவிலில் தீபாவளி ஆஸ்தானம் சிறப்பாக நடைபெற உள்ளது. இதையொட்டி, அன்று கோவிலில் நடைபெறும் சில ஆர்ஜித சேவைகள் (பணம் செலுத்தி மேற்கொள்ளும் சேவைகள்) தற்காலிகமாக ரத்து செய்யப்பட்டுள்ளன என திருப்பதி தேவஸ்தானம்  அறிவித்துள்ளது.
திருப்பதியில் காலை 7 மணி முதல் 9 மணி வரை, தங்கவாயில் முன் உள்ள கண்டா மண்டபத்தில்
🔸 ஸ்ரீதேவி – பூதேவி தாயார் சமேத மலையப்ப சுவாமி,
🔸 கருடாழ்வாரை நோக்கி சர்வபூபால வாகனத்தில் அமர்த்தப்படுவர்.
🔸 சேனாதிபதி விஷ்வக்சேனரும், சுவாமியின் இடப்புறம் தெற்கு திசையை நோக்கி பீடத்தில் அமர்த்தப்படுவர்.

அதன் பின்,
🔹 சிறப்பு பூஜை
🔹 பிரசாத நிவேதனம் ஆகியவை ஆகம முறைப்படி நடைபெறும்.
 மாலை 5 மணிக்கு,
🔹 ஸ்ரீதேவி, பூதேவி தாயார் சமேத மலையப்ப சுவாமி,
🔹 சகஸ்ர தீப அலங்கார சேவையில் பங்கேற்கிறார்.
🔹 பின்னர், கோவிலின் நான்கு மாட வீதிகளில் பவனி வருகிறார்.

தீபாவளி ஆஸ்தானம் காரணமாக, அக்டோபர் 20ம் தேதி  கல்யாண உற்சவம், ஊஞ்சல் சேவை, ஆர்ஜித பிரம்மோற்சவ சேவை ரத்து செய்யப்படும். இத்துடன், தோமாலை மற்றும் அர்ச்சனை சேவைகள் மட்டும் ஏகாந்தமாக நடத்தப்படும் . TTD ன் இந்த அறிவிப்பைத் தெரிந்து கொண்டு, திருப்பதி செல்லும் பக்தர்கள் திட்டமிடுவது நல்லது.
விழா காலத்தில் கூட்டநெரிசல் அதிகம் இருக்கக்கூடியது என்பதையும் கருத்தில் கொள்ள பரிந்துரை செய்யப்படுகிறது.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?