இன்று பள்ளி, கல்லூரிகளுக்கு விடுமுறை!!

நாகப்பட்டினம்  மாவட்டம் வேளாங்கண்ணியில் புனித ஆரோக்கியமாதா பேராலயத்தில் திருவிழா நடைபெற்று வருகிறது.   வங்கக்கடலோரம் அமைந்துள்ள இந்த ஆலயத்தின் கட்டிட அமைப்பை ரசிக்க  உலகம் முழுவதிலும் இருந்து வருடத்தின் எல்லா நாட்களிலும் சுற்றுலாப்பயணிகள் வருகை தருவர்.   இதன் காரணமாக வேளாங்கண்ணியில் எப்போதும் மக்கள் கூட்டம் அலைமோதும்.  ஒவ்வொரு ஆண்டும்  செப்டம்பர் 8ம் தேதி  மாதாவின் பிறந்த நாளை முன்னிட்டு 10 நாட்கள்  திருவிழா வெகுவிமரிசையாக கொண்டாடப்படுவது வழக்கம்.

இந்த ஆலயத்தில் ஒவ்வொரு ஆண்டும் ஆகஸ்ட் 29ல் கொடியேற்றம் தொடங்கி 10 நாட்கள் ஆரோக்கிய அன்னைக்கு திருவிழா நடத்தப்படும். அதன்படி ஆகஸ்ட் 29ம் தேதி மாலை 5.45 மணிக்கு தஞ்சை மறை மாவட்ட ஆயர் தேவதாஸ் அம்ப்ரோஸ்,  மறை மாவட்ட பரிபாலகர் சகாயராஜ்,  உதவி பங்கு தந்தை டேவிட் தன்ராஜ் முன்னிலையில்  புனித கொடி ஏற்றப்பட்டது.

ஆரோக்கிய அன்னையின் பிறந்த நாளான 8ம் தேதி அன்னையின் தேர்பவனியும் நடைபெற்றது.  இதற்காக பல்வேறு மாவட்டங்களில் இருந்து தமிழக அரசு சார்பில் சிறப்பு பேருந்துகள் இயக்கப்பட்டு வருகின்றன. 

இந்நிலையில் வேளாங்கண்ணி புனித ஆரோக்கியமாதா திருவிழாவிற்காக  இன்று செப்டம்பர்  8ம் தேதி நாகை மாவட்டத்தில் பள்ளிகளுக்கு விடுமுறை அளித்து மாவட்ட கலெக்டர்   அறிவித்துள்ளார்.  நேற்று செப்டம்பர் 7ம் தேதி இரவு தேர்பவனி, 8ம் தேதி மாதா பிறந்தநாள் விழா நடைபெறுவதால் பள்ளிகளுக்கு விடுமுறை அளிக்கப்பட்டுள்ளது. இதற்கு ஈடாக செப்டம்பர்  23ம் தேதி பணிநாளாக செயல்படும் என   அறிவிக்கப்பட்டுள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆவணி மாத சிறப்புக்கள், பண்டிகைகள், வழிபாடுகள்!!

பள்ளத்தில் தவறி விழுந்த யானை !! வைரலாகும் வீடியோ!!

வீடியோ! குளிக்கச் சென்றவரை உயிரோடு முழுங்கிய முதலை