சுக்கிரன் பெயர்ச்சி... 12 ராசிகளுக்கான பலன்கள்... சுக்கிரன் பலவீனமானால் என்னவெல்லாம் செய்வார்?

இன்று அக்டோபர் 9ம் தேதி சுக்கிரன் காலை 10.38 மணிக்கு சுக்கிரன் கன்னி ராசிக்குள் நுழைகிறார். அவர் அங்கு நவம்பர் 2ம் தேதி வரை தங்கியிருப்பார். இந்த சுக்கிரனின் பெயர்ச்சி மேஷம் முதல் மீனம் வரை 12 ராசிகளிலும் பலவிதமான விளைவுகளை ஏற்படுத்தும்? என்று பார்க்கலாம் வாங்க.

ஜோதிடத்தில் சுப கிரகமாகக் கருதப்படும் சுக்கிரன், செல்வம், அழகு மற்றும் பொருள் வசதிகளுக்கு காரணமானவர். அவர் ஒரு ராசியில் சுமார் 23 முதல் 30 நாட்கள் வரை தங்கி, பலரின் வாழ்க்கையில் மாற்றங்களை ஏற்படுத்துவார். 

மேஷம்: உடல்நலத்தில் கூடுதல் கவனம் தேவை.

ரிஷபம்: துணையுடன் நேரம் செலவிட நல்ல வாய்ப்பு. படைப்புத் திறன் அதிகரிக்கும்.

மிதுனம்: குடும்ப உறவுகள் வலுவடையும். பெற்றோரின் ஆதரவு கிடைக்கும்.

கடகம்:தொடர்புத் திறனை மேம்படுத்தும் நேரம். வேலை வாய்ப்பில் நன்மை.

சிம்மம்:நிதி நிலை மற்றும் குடும்ப வாழ்க்கையில் முன்னேற்றம்.

கன்னி: உடல் நலம் கவனிக்க வேண்டிய காலம். தன்னம்பிக்கை உயரும்.

துலாம்: செலவுகள் கூடலாம். நிதி மேலாண்மை அவசியம். தியானம் நன்மை தரும்.

விருச்சிகம்: நண்பர்களின் ஆதரவு, விருப்பங்கள் நிறைவேற வாய்ப்பு.

தனுசு: தொழிலில் வளர்ச்சி. முயற்சிகள் பாராட்டப்படும்.

மகரம்: ஆன்மீக, மன வளர்ச்சிக்கு ஏற்ற காலம். புதிய சிந்தனைகள் உருவாகும்.

கும்பம்: மன, உணர்ச்சி ரீதியான மாற்றங்கள். ஆழமான அனுபவங்கள்.

மீனம்:  உறவுகள், கூட்டாண்மைகளில் மகிழ்ச்சி. தனிப்பட்ட வாழ்க்கை வளரும்.

ஜாதகத்தில் சுக்கிரன் பலவீனமாக இருந்தால் ஏற்படும் விளைவுகள். திருமண வாழ்க்கையில் மனஅமைதி குறைய வாய்ப்பு. நோய்கள் அல்லது உடல் சோர்வு.
பொருள் வசதிகளில் குறைவு. அதனால் சுக்கிரனுக்கான பரிகாரங்கள் அல்லது தியானம் போன்றவற்றில் ஈடுபடுவது நன்மை தரும் என கூறப்படுகிறது.

மேஷ ராசிக்காரர்களுக்கு சுக்கிரன் ஜாதகத்தின் இரண்டாம் மற்றும் ஏழாம் வீடுகளை ஆளுகிறார். இப்போது சுக்கிரன் கன்னி ராசியில் பெயர்ச்சி அடைய, அது மேஷ ராசிக்காரர்களின் ஆறாம் வீட்டில் அமைந்திருக்கிறது. இது பொதுவாக சிறந்த பலன்களைக் கொடுக்காத நிலையாகக் கருதப்படுகிறது.

மேலும் சுக்கிரன் தற்போது பலவீனமான நிலையில் இருப்பதால், மேஷ ராசிக்காரர்கள் இந்தக் காலகட்டத்தில் சிறப்பு கவனம் செலுத்த வேண்டியிருக்கிறது.
இந்த காலத்தில் உடல்நலத்தில் கவனம் தேவை. வாகனம் ஓட்டும் போது எச்சரிக்கை அவசியம். தேவையற்ற வாக்குவாதங்களைத் தவிர்க்கவும். குடும்ப விஷயங்களில் அமைதியாக நடந்து கொள்ளவும். இவ்வாறு செய்தால் சுக்கிரனின் எதிர்மறை தாக்கத்தை குறைக்கலாம் என ஜோதிடர்கள் பரிந்துரைக்கின்றனர்.

சுக்கிரன் கன்னி ராசிக்கு பெயர்ச்சி அடைவது, சிலருக்கு சவாலாக இருந்தாலும், சிலருக்கு முன்னேற்ற வாய்ப்புகளைத் தரும். மேஷ ராசிக்காரர்கள் குறிப்பாக இந்த காலத்தில் பொறுமையுடன் நடந்து கொண்டால், சிக்கல்கள் குறைந்து நல்ல பலன்களைப் பெறலாம்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?