ஐ.நா. மனித உரிமைகள் கவுன்சிலில் 7-வது முறையாக இந்தியா தேர்வு !
உலகளாவிய மனித உரிமைகளை பாதுகாப்பதும், ஊக்குவிப்பதும் நோக்கமாகக் கொண்ட ஐ.நா. மனித உரிமைகள் கவுன்சில், உறுப்புநாடுகள் தேர்வுக்கான தேர்தலை நேற்று நடத்தியது. இதில் இந்தியா, பாகிஸ்தான் உள்ளிட்ட 14 நாடுகள் தேர்ந்தெடுக்கப்பட்டன. மனித உரிமைகள் மீறல்களை கண்காணித்து, தேவையான நடவடிக்கைகளை மேற்கொள்வது இக்கவுன்சிலின் முக்கிய பணி ஆகும்.
இந்தியா தொடர்ந்து மனித உரிமைகள் மற்றும் அடிப்படை சுதந்திரங்களை நிலைநாட்டும் பணியில் ஈடுபட்டு வரும் நிலையில், 2026 முதல் 2028 வரை மூன்று ஆண்டுகளுக்கு மீண்டும் உறுப்புநாடாக தேர்ந்தெடுக்கப்பட்டுள்ளது. இதன் மூலம், இந்தியா ஏழாவது முறையாக கவுன்சிலில் இடம் பெற்றுள்ளது என்பது பெருமைக்குரிய சாதனையாகும்.
ஐ.நா.வில் இந்தியாவின் நிரந்தர பிரதிநிதியான தூதர் ஹரீஷ், சமூக வலைதளத்தில் வெளியிட்ட பதிவில், “இந்தியாவை ஆதரித்த அனைத்து நாடுகளுக்கும் நன்றி. மனித உரிமைகள் மீதான இந்தியாவின் உறுதியான அர்ப்பணிப்பை இது பிரதிபலிக்கிறது” என்று குறிப்பிட்டார். பருவநிலை மாற்றம், சுகாதாரம், வறுமை ஒழிப்பு போன்ற முக்கிய பிரச்சினைகளில் விரிவான தீர்வுகளை முன்வைத்து இந்தியா தொடர்ந்து கவுன்சிலில் செயல்பட்டு வருகிறது.
இதையும் பிடிச்சிருந்தா படிச்சு பாருங்க
புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்
பளபளக்கும் மிருதுவான சருமத்திற்கு இதை மட்டும் செய்தாலே போதும்!!