ஏர் உழுவ டிராக்டர் எடுத்தபோது விபரீதம்.. 80 அடி ஆழ கிணற்றில் டிராக்டருடன் விழுந்த விவசாயி!

கெங்கவல்லி அருகே நிலம் உழவுவதற்காக டிராக்டர் எடுத்தபோது, ​​டிராக்டருடன் விவசாயி கிணற்றில் தவறி விழுந்தார். தீயணைப்பு துறையினர் விரைந்து வந்து விவசாயியை மீட்கும் முயற்சியில் காயங்களுடன் உயிர் தப்பினார். சேலம், கெங்கவல்லி பேரூராட்சிக்கு உட்பட்ட மாருதி நகரில் ரமேஷ் என்பவருக்கு சொந்தமான விவசாய நிலம் உள்ளது. முருகேசன் நிலத்தை குத்தகைக்கு எடுத்து விவசாயம் செய்து வருகிறார்.

இந்நிலையில் முருகேசன் நிலத்தில் விவசாயம் செய்யும் பணியில் ஈடுபட்டு வந்தார். கிணற்றுக்கு அருகில் இருந்த டிராக்டர் ஏர் உழுவதற்கு முன் கலப்பையை மாற்றுவதற்காக இயக்கியுள்ளார். அப்போது, ​​ரிவர்ஸ் கியரில் வந்த டிராக்டர், பின்னால்  சென்று அங்குள்ள 80 அடி ஆழ கிணற்றில் விழுந்தது. கிணற்றில் 40 அடி தண்ணீர் இருந்தபோது, ​​டிராக்டருடன் முருகேசன் கிணற்றில் விழுந்தார். இதை பார்த்த அவரது மனைவி அலறியடித்ததால் அருகில் இருந்தவர்கள் ஓடி வந்தனர்.

தகவலின் பேரில் ஆத்தூர் தீயணைப்பு நிலைய அலுவலர் அசோகன் தலைமையிலான வீரர்கள் சம்பவ இடத்துக்கு விரைந்து வந்து கிணற்றில் இருந்த முருகேசனை உயிருடன் மீட்டனர்.அவரை சிகிச்சைக்காக மருத்துவமனைக்கு அனுப்பி வைத்தனர். அதன்பின் கிரேன் உதவியுடன் 2 மணி நேரம் போராடி டிராக்டரை மீட்டனர். ஏர் உழுவதற்காக டிராக்டரை இயக்கியபோது, ​​கிணற்றில் விழுந்தது அப்பகுதியில் பரபரப்பை ஏற்படுத்தியது.

ஆடி மாதத்தில் சுபகாரியங்களை செய்யலாமா? கூடாதா?!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!