Google Pay, PhonePe வரிசையில் ‘Zoho Pay’ செயலி அறிமுகம்!

சென்னை தலைமையிலான மென்பொருள் சேவை நிறுவனம் Zoho, தொழில்நுட்ப சேவைகளில் தனது தடத்தை விரிவுபடுத்தி வருகிறது. அதன்பொறுப்பாக, புதிய நுகர்வோர் கட்டணச் செயலி ‘Zoho Pay’ அறிமுகப்படுத்தப்படுகிறது. இது அரட்டை (Arattai) தளத்துடன் ஒருங்கிணைக்கப்பட்டு வரும்; மேலும் புதிய POS சாதனங்கள் மற்றும் நிதி மென்பொருள் சேவைகளும் Zoho வழங்கவுள்ளது. அக்டோபர் 22, 2025 அன்று Zoho Pay தனி செயலியாகவும், அரட்டை தளத்தில் ஒருங்கிணைக்கப்பட்ட முறையிலும் வெளியிடப்பட உள்ளது. இதன் மூலம் Google Pay, PhonePe போன்ற நிறுவனங்களுடன் Zoho போட்டியிடும் என்று எதிர்பார்க்கப்படுகிறது.

Zoho Payments Tech நிறுவனத்தின் CEO சிவராமகிருஷ்ணன் ஈஸ்வரன் கூறுகையில், "Zoho Pay பயனர்களுக்கு பாதுகாப்பான கட்டண அனுபவத்தையும், தடையில்லா பரிவர்த்தனைகளையும் வழங்கும். பயனர்கள் தங்கள் அரட்டை இடைமுகத்தில் இருந்து வெளியேறாமலேயே பரிவர்த்தனைகளைச் செய்ய முடியும்" என்றார். இதன் மூலம் Zoho, ஏற்கனவே வழங்கி வரும் வணிகக் கட்டணங்கள் மற்றும் POS தீர்வுகளுக்கு இணையாக நிதி தொழில்நுட்பத் துறையில் புதிய தரத்தை உருவாக்கவுள்ளது.

இதனைத் தொடர்ந்து, கடந்த ஓராண்டில் மத்திய அரசு ஊழியர்களின் 12 லட்சம் மின்னஞ்சல் முகவரிகள், பிரதமர் அலுவலகம் (PMO) உட்பட, NIC அமைப்பிலிருந்து Zoho தளத்திற்கு மாற்றப்பட்டுள்ளன. இது அரசு அதிகாரிகளின் தரவு பாதுகாப்பை உறுதிப்படுத்தும் நோக்கில் மேற்கொள்ளப்பட்டது. மின்னஞ்சல் டொமைன் பெயர்கள் மாற்றப்படாமலும், தரவு NIC-இருந்து Zoho ஹோஸ்டுக்கு மாற்றப்பட்டுள்ளதும் குறிப்பிடத்தக்கது. மத்திய அரசு, Zoho தயாரிப்புகளைப் பயன்படுத்துவதில் ஊழியர்களை வலியுறுத்தி, தொழில்நுட்ப சேவைகளில் இந்தியா முன்னணி நாடாக மாறும் நோக்கத்துடன் நடவடிக்கை எடுத்து வருகிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!