பிரபல இசைக்கலைஞர் காலமானார்... திரையுலகினர் அஞ்சலி!
கிராமி விருது வென்றவரும், அமெரிக்காவின் பாடகரும், சிறந்த மேடை நடிகருமான ஸ்டீவ் லாரன்ஸ் தனது 88வது வயதில் அல்சைமர் நோயால் அவதிப்பட்டு வந்த நிலையில், சிகிச்சைப் பலனளிக்காமல் காலமானார். நடிகர் லாரன்ஸ், காலமானதை அவரது குடும்பத்தின் செய்தித் தொடர்பாளர் சூசன் டுபோ உறுதிப்படுத்தினார். லாரன்ஸ் மற்றும் கோர்மே- அல்லது ஸ்டீவ் & எய்டி ஆகியோர் - டாக் ஷோக்கள், இரவு கிளப்புகள் மற்றும் லாஸ் வேகாஸ் மேடைகளில் தங்களது நடிப்பு கலை மூலம் ரசிகர்களை கவர்ந்தனர்.
இருவரும் ஜார்ஜ் கெர்ஷ்வின், கோல் போர்ட்டர், ஜெரோம் கெர்ன் மற்றும் பிற பாடலாசிரியர்களிடமிருந்து உத்வேகம் பெற்றனர். எல்விஸ் பிரெஸ்லி மற்றும் பிற ராக் இசை முன்னோடிகள் வானொலி மற்றும் பதிவுகளில் ஆதிக்கம் செலுத்தத் தொடங்கிய உடனேயே, லாரன்ஸும் அவரது மனைவியும் தங்கள் பாணியை மாற்றுவதற்கு அணுகப்பட்டனர். டிஜிட்டல் உலகின் அறிமுக காலம் என்பதால் லாரன்ஸ் மற்றும் அவரது மனைவி பாடல்களை பாடி விற்கத் தொடங்கினர். அது அன்றைக்கு களை கட்டியது.
லாரன்ஸ் மற்றும் கோர்மே ஒரு குழுவாக நன்கு அறியப்பட்டவர்கள், இருவரும் 1960 களின் முற்பகுதியில் சில மாத இடைவெளியில் பெரிய தனி வெற்றிகளைப் பெற்றனர். இவர்கள் நடிப்பு திறனை ஒரு பக்கமும், இசை கலையை மறு பக்கமும் வைத்து மிகவும் பிரபலமாகினர். இவர் குறிப்பாக இசை உலகின் உயரிய விருதான கிராமி விருதை பெற்ற பெருமைக்குரியவர். உடல் நல குறைவால் அவதிப்பட்டு வந்தவர் மறைந்தார். லாரன்ஸ் உடலுக்கு திரையுலகினர் அஞ்சலி செலுத்தினர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
மாசி மாதத்துல இத்தனை விசேஷமா... இந்த நட்சத்திர தினங்களை மிஸ் பண்ணாதீங்க!