தஞ்சாவூர் மாவட்டம், பட்டுக்கோட்டை அருகே உள்ள ஒரு கிராமத்தில் 17 வயது பள்ளி மாணவியைக் கடத்திச் சென்று திருமணம் செய்த வாலிபரைத் தனிப்படை போலீசார் கைது செய்துள்ளனர்.

பட்டுக்கோட்டைப் பகுதியைச் சேர்ந்த 23 வயது இளைஞர் ஒருவருக்கும், அதே பகுதியில் உள்ள அரசுப் பள்ளியில் 12ம் வகுப்பு படித்து வந்த 17 வயது மாணவிக்கும் இடையே பழக்கம் ஏற்பட்டுள்ளது. இந்நிலையில் கடந்த சில நாட்களுக்கு முன்பு பள்ளிக்குச் சென்ற மாணவி மாலை வீடு திரும்பவில்லை. பல இடங்களில் தேடியும் கிடைக்காததால், மாணவியின் பெற்றோர் காவல் நிலையத்தில் புகார் அளித்தனர். போலீசாரின் முதற்கட்ட விசாரணையில், அந்த இளைஞர் மாணவியை ஆசை வார்த்தை கூறி கடத்திச் சென்றது தெரியவந்தது.

தனிப்படை அமைத்துத் தேடி வந்த போலீசார், கேரள எல்லையில் உள்ள ஒரு மறைவிடத்தில் இருவரும் தங்கியிருப்பதை செல்போன் சிக்னல் மூலம் கண்டறிந்தனர். அங்கு சென்ற போலீசார் மாணவியை மீட்டனர். விசாரணையில், அந்த இளைஞர் மாணவியைக் கோவிலில் வைத்துத் ரகசியத் திருமணம் செய்து கொண்டது தெரியவந்தது. மீட்கப்பட்ட மாணவி மருத்துவப் பரிசோதனைக்காக அரசு மருத்துவமனைக்கு அனுப்பி வைக்கப்பட்டார்.

தமிழகத்தில் 18 வயதிற்குட்பட்ட பெண்ணைத் திருமணம் செய்வது சட்டப்படி குற்றமாகும். அந்த இளைஞர் மீது கடத்தல் மற்றும் போக்சோ - (பாலியல் குற்றங்களிலிருந்து குழந்தைகளைப் பாதுகாக்கும் சட்டம்) ஆகிய பிரிவுகளின் கீழ் வழக்குப் பதிவு செய்யப்பட்டு அவர் சிறையில் அடைக்கப்பட்டார்.

திருமணத்திற்கு உடந்தையாக இருந்த வாலிபரின் நண்பர்கள் இருவரிடமும் போலீசார் விசாரணை நடத்தி வருகின்றனர். சமீபகாலமாகப் பள்ளி மாணவிகள் இது போன்ற விபரீதக் காதலில் சிக்கித் தங்களது வாழ்க்கையைத் தொலைக்கும் சம்பவங்கள் அதிகரித்து வருகின்றன. இது குறித்துப் பெற்றோர்களும், ஆசிரியர்களும் விழிப்புணர்வுடன் இருக்க வேண்டும் எனத் தமிழகக் காவல்துறை அறிவுறுத்தியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!