நாகை மாவட்டம் கீழ்வேளூர் மற்றும் அதன் சுற்றுவட்டாரப் பகுதிகளில் நேற்று மாலை முதல் வெறிநாய் ஒன்று சாலையில் செல்வோரைத் துரத்தித் துரத்திக் கடித்ததில் 8 பேர் படுகாயமடைந்துள்ளனர். கீழ்வேளூர் முக்கிய சாலைகளில் உலா வந்த நாய் ஒன்று, திடீரென வெறிபிடித்தது போல் அங்கிருந்த பொதுமக்களைத் தாக்கத் தொடங்கியது. சாலையில் நடந்து சென்றவர்கள் மற்றும் இருசக்கர வாகனங்களில் சென்றவர்கள் எனப் பார்த்தவர்களையெல்லாம் அந்த நாய் கடித்தது. இதில் 8 பேருக்குக் கை, கால் உள்ளிட்ட இடங்களில் பலத்த காயம் ஏற்பட்டது.

காயமடைந்தவர்கள் உடனடியாக மீட்கப்பட்டு நாகை அரசு மருத்துவக் கல்லூரி மருத்துவமனையில் அனுமதிக்கப்பட்டனர். அங்கு அவர்களுக்கு: முதலுதவி சிகிச்சைகள் அளிக்கப்பட்டுள்ளன. வெறிநாய் கடிக்கான தடுப்பூசிகள் போடப்பட்டு, மருத்துவர்களின் தீவிர கண்காணிப்பில் வைக்கப்பட்டுள்ளனர்.

கீழ்வேளூர் பகுதியில் தெருநாய்களின் எண்ணிக்கை நாளுக்கு நாள் அதிகரித்து வருவதாகவும், இதனால் பள்ளி செல்லும் குழந்தைகள் மற்றும் முதியவர்கள் வீட்டை விட்டு வெளியே வர அஞ்சுவதாகவும் அப்பகுதி மக்கள் வேதனை தெரிவிக்கின்றனர். "தெருநாய்களைக் கட்டுப்படுத்தவும், அவற்றுக்குக் கருத்தடை மற்றும் வெறிநாய் தடுப்பூசி போடவும் நகராட்சி மற்றும் ஊராட்சி நிர்வாகம் போர்க்கால அடிப்படையில் நடவடிக்கை எடுக்க வேண்டும்" என மக்கள் கோரிக்கை விடுத்துள்ளனர்.

தெருநாய்கள் துரத்தினால் ஓடாமல் நிதானமாக இருக்கவும், ஒருவேளை நாய் கடித்தால் உடனடியாகக் கடித்த இடத்தை சோப்பு போட்டு ஓடும் நீரில் நன்கு கழுவிவிட்டு, தாமதிக்காமல் அரசு மருத்துவமனையை அணுகுமாறு மருத்துவர்கள் அறிவுறுத்தியுள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!